2022 жылғы 16 мамырда Қазақстан Республикасы Парламенті Мәжілісінің депутаты, Аграрлық мәселелер комитетінің төрағасы Ерлан Барлыбаев Қазақстан Республикасының Конституциясына өзгерістер мен толықтырулар енгізу бойынша алдағы республикалық референдум мәселесі бойынша халық арасында түсіндіру жұмыстарын жүргізу үшін Алматы қаласына келді. Депутат "Jet Logistic" логистикалық компаниясының ұжымымен кездесу өткізді. Кәсіпорын ұжымымен әңгімелесу барысында депутат еліміздің Негізгі заңына енгізілетін өзгерістерді түсіндірді. Кездесуде депутатқа дауыс беру орны мен тәсіліне, сондай-ақ шетелдегі азаматтарымыздың дауыс беру мүмкіндігіне қатысты сұрақтар қойылды.