Бүгін Қазақстан Республикасы Парламенті Мәжілісінің депутаты, Аграрлық мәселелер комитетінің төрағасы Ерлан Барлыбаев Алматы облысының Қонаев қаласына келді. Сапар барысында депутат азық-түліктің кең ассортиментін әзірлеуге және өндіруге мамандандырылған "Маревен Фуд Тянь-Шань" компаниясына барды. Алдымен депутат кәсіпорынның өндірістік үдерісімен танысып, содан кейін еңбек ұжымымен түсіндіру әңгімесін өткізді. Ол еліміздің Негізгі Заңына өзгерістер мен толықтырулар енгізу жөніндегі референдумға қатысудың маңыздылығын ерекше атап өтті. Кездесу қорытындысы бойынша қатысушылар референдумға қатысуға және ұсынылып отырған реформаларды қолдауға дайын екендіктерін білдірді.