Алматыға сапар барысында Қазақстан Республикасы Парламенті Мәжілісінің депутаты, Аграрлық мәселелер комитетінің төрағасы Ерлан Барлыбаев "МаслоДел" ЖШС-де болып қайтты. Депутат компанияның қызметімен танысып, Конституцияға өзгерістер мен толықтырулар енгізу бойынша алдағы бүкілхалықтық референдумның маңыздылығын түсіндіру бойынша ұжыммен әңгіме өткізді. Кездесу барысында депутатқа дауыс беру тәсіліне, қала әкімдерінің сайланбалылығын енгізуге, сондай-ақ мемлекеттік тілдің мәртебесіне қатысты сұрақтар қойылды. Кездесуге қатысушылар жүргізіліп жатқан реформаларға қолдау білдірді.