Мәжіліс депутаттары Қазақстан Республикасы Төтенше жағдайлар министрлігінің Азаматтық қорғаныс әскери бөлімдері қызметінің өзекті мәселелерін талқылады
VIII сайланған Қазақстан Республикасы Парламенті Мәжілісінің өкілеттіктерін іске асыру жөніндегі негізгі іс-шаралар жоспарына сәйкес, Халықаралық істер, қорғаныс және қауіпсіздік комитетінде "Төтенше жағдайлар министрлігінің Азаматтық қорғаныс әскери бөлімдері қызметінің өзекті мәселелері"тақырыбында дөңгелек үстел өтті. Іс-шараға Төтенше жағдайлар, қорғаныс, өнеркәсіп және құрылыс, қаржы министрліктерінің, облыстар мен республикалық маңызы бар қалалар әкімдіктерінің, сондай-ақ Мәлік Ғабдуллин атындағы Қазақстан Республикасы Төтенше жағдайлар министрлігінің Азаматтық Қорғау академиясының өкілдері қатысты. ТЖМ өкілі депутаттарға 2021 жылдан бастап азаматтық қорғаныстың әскери бөлімдері ТЖ алдын алу және жою жөніндегі іс-шараларда 280 рет қолданылғанын, онда 246 адам құтқарылғанын баяндады. Жеке құрамның дайындығы іздестіру-құтқару жұмыстары, қатты әсер ететін улы заттарды құю, су тасқынын жою, табиғи өрттер, қар кептелісі, селдің түсуі, жол-көлік оқиғалары, коммуналдық-энергетикалық желілердегі авариялар, гуманитарлық көмекті тиеу және тасымалдау кезінде қойылған міндеттерді орындауға мүмкіндік берді. Алайда бірқатар проблемалық мәселелер бар. Атап айтқанда, техникамен, авариялық-құтқару жабдықтарымен және мүлікпен жеткіліксіз қамтамасыз ету. Түрлі сипаттағы қатерлерді ескере отырып, әскери бөлімдерді авариялық-құтқару құралдарының, жабдықтардың және арнайы техниканың заманауи түрлерімен жарақтандыру мәселелері өзекті болып отыр. Алайда бірқатар проблемалық мәселелер бар. Атап айтқанда, авариялық-құтқару жұмыстарын жүргізу үшін әскери бөлімдерді материалдық-техникалық жарақтандыру 55% - дан аспайды. Бұдан басқа, азаматтық қорғаныс әскери бөлімдерінің жауапкершілік аймағын жедел қамту үшін әскери бөлімдердің бөлімшелерін облыс орталықтарына орналастыру арқылы ТЖМ өңірлік құтқару күштерін күшейту қажет. Осы бағытта мемлекеттік және жергілікті атқарушы органдармен қажетті пысықтаудың бірқатар мәселелері бар. Келісімшарттық қызметтің әскери қызметшілерімен жасақтаудың жеткіліксіздігі байқалады. Бос жұмыс орындарының саны төмен жалақы мен әлеуметтік қамсыздандыруға байланысты әскери қызметшілердің жоғары кетуіне байланысты. Отырысты қорытындылай келе, Комитет төрағасы Айгүл Құспан азаматтық қорғаныс әскери бөлімдерінің қызметін қозғайтын проблемалық мәселелерді шешу үшін Комитет Қазақстан Республикасының Үкіметіне жіберетін ұсынымдар әзірлейтінін атап өтті. Соңында Парламент депутаттары заңнамалық деңгейде барлық қажетті қолдауды көрсетуге дайын екендігі атап өтті." Әскери қызметшілер арасындағы зорлық-зомбылықты, қатыгездікті, ар-намыс пен қадір-қасиетті қорлауды жою жолдары " тақырыбындағы дөңгелек үстел қорытындысы бойынша Пресс-релиз
2022 жылғы 6 желтоқсанда Қазақстан Республикасы Парламенті Мәжілісінің Халықаралық істер, қорғаныс және қауіпсіздік комитетінде "Әскери қызметшілер арасындағы зорлық-зомбылықты, қатыгездікті, ар-намыс пен қадір-қасиетті қорлауды жою жолдары" тақырыбында дөңгелек үстел өтті. Іс-шараға Мәжіліс депутаттары, Қарулы Күштердің, басқа да әскерлер мен әскери құралымдардың, әскери прокуратураның, қоғам мен сарапшылар қауымдастығының өкілдері қатысты. Парламент Мәжілісінің Халықаралық істер, қорғаныс және қауіпсіздік комитетінің төрайымы Айгүл Құспан әскери ортадағы зорлық-зомбылық сипаттағы құқық бұзушылықтардың жалпы құлдырауына қарамастан, мұндай құқық бұзушылықтардың статистикасы мен бұқаралық ақпарат құралдарындағы хабарламалар проблеманың әлі де бар екенін көрсетіп отырғанын атап өтті. Дөңгелек үстелдің басты міндеті осындай бұзушылықтардың алдын алу бойынша пікір алмасу, ұсыныстар, идеялар алмасу және әскери ұжымдарда "салауатты ахуал" қалыптастыру бойынша қадамдарды жоспарлау болды. Дөңгелек үстелге қатысушылардың пікірінше, әскери ортада зорлық-зомбылық пен құқық бұзушылықтың алдын алу үшін бірқатар мәселелерді шешуге күш салу қажет. Сонымен, Қорғаныс министрлігінің өкілі әскерге шақырылуға дейінгі жастағы жастарды әскери-патриоттық тәрбиелеу жүйесін жетілдіру, сондай-ақ әскери бөлімдердің материалдық-техникалық базасын жақсарту қажеттігін атап өтті. Шекара қызметінің өкілі қызметке шақыру кезінде туындайтын проблемалар туралы айтып, білім беру және денсаулық сақтау ұйымдары тарапынан өзара іс-қимылдың жоқтығын атап өтті. Осыған байланысты сөз сөйлеуші әскери қызметке шақыру тәртібін және әскерге шақырылушыларды медициналық куәландыру жөніндегі стандарттарды қайта қарауды ұсынды. Сондай-ақ, Шекара қызметінің өкілі әскери қызметшілердің психологиялық жағдайын диагностикалау үшін заманауи технологияларды қолдануды кеңейтуді жақтады. Арнайы шақырылған сарапшылар психологиялық қызметтің жұмысын тек әскерлерде ғана емес, мемлекеттік деңгейде де дамыту мен жүйелеудің маңыздылығын атап өтті. "Caravan.kz" медиа-порталының арнайы тілшісі, отставкадағы полковник Владимир Северный мәселеге журналистік көзқарас білдіріп, әскери әділет мәселелері бойынша нормативтік-құқықтық базаны жетілдіруді, бөлім командирлерінің жауапкершілігін арттыруды, сондай-ақ шамадан тыс есептіліктен нақты нәтижелерге көшуді ұсынды. "Аналар жүректері" сарбаздар аналары комитеті» қоғамдық бірлестігінің басшысы Лилия Хайрулина әскери бөлімдердегі бейнебақылау жүйесін орталық деңгейге беруді және оған тұрақты мониторинг жүргізуді ұсынды. Мәжіліс депутаттары әскери ведомстволарды әскери қызметшілер арасындағы құқық бұзушылықтардың алдын алу жөніндегі жұмысқа азаматтық қоғам өкілдерін тарту мүмкіндіктерін кеңейтуге, сондай-ақ армияның беделін арттыруға бағытталған имидждік жұмысты күшейтуге шақырды. Қарулы Күштердің командалық құрамы мемлекеттік тілді білу талабына ерекше назар аударды, өйткені әскерде қазақ тілі негізгі болып табылатын сарбаздар мен сержанттар басым. Талқылау қорытындысы бойынша Үкіметке аталған проблемаларды шешуге бағытталған ұсынымдар жіберілетін болады. Мәселелердің бір бөлігі комитет депутаттарының заң жобалары бойынша жұмысы кезінде ескерілетін болады.2022 жылғы 28 маусымда Мәжілісте Халықаралық істер, қорғаныс және қауіпсіздік комитеті ұйымдастырған «ҚР Денсаулық сақтау министрлігі, «СК-Фармация» ЖШС және «Қазақстан халқына» Қоры арасындағы өзара түсіністік туралы Меморандумды іске асыру мәселелері» тақырыбында дөңгелек үстел өтті.
Дөңгелек үстелге Мәжіліс депутаттары, орталық атқарушы органдар мен олардың ведомстволарының басшылары, үкіметтік емес ұйымдар мен жұртшылық қатысты. Талқылау барысында депутаттар «спинальная мышечная атрофия» диагнозы қойылған балаларды емдеуге бағытталған бірқатар сындарлы шараларды ұсынды. Дөңгелек үстелді қорытындылай келе, депутат Константин Авершин ауыр науқас балаларды дәрілік заттармен қамтамасыз ету саласындағы проблемалық мәселелерді шешу үшін өткен талқылаудың маңыздылығы мен конструктивтілігін атап өтті. Атап айтқанда, ол Қор жұмысының ашықтығын қамтамасыз ету қажеттігін атап өтіп, одан әрі бірлескен жұмысқа үміт білдірді.Мәжіліс депутаттары әскер саласындағы өзекті мәселелерді талқылады
15 наурыз, Мәжіліс үйі. Қазақстанда 1 наурыздан бастап көктемгі әскерге шақыру науқаны басталды. Осыған орай Қорғаныс министрлігі 17 мың азаматты әскер қатарына шақыруды жоспарлап отыр. Бүгін Мәжілістің Халықаралық істер, қорғаныс және қауіпсіздік комитеті азаматтарды әскери қызметке шақыруды ұйымдастыру және өткізу мәселелеріне қатысты дөңгелек үстел өткізді. Іс-шараға Мәжіліс депутаттары, орталық мемлекеттік және жергілікті атқарушы органдардың, қоғамдық бірлестіктердің, сараптамалық және ғылыми қоғамдастық өкілдері қатысты. Отырыста Халықаралық істер, қорғаныс және қауіпсіздік комитетінің төрайымы Айгүл Құспан кіріспе сөз сөйледі. Онда Мемлекет басшысы, Қазақстан Республикасы Қарулы Күштерінің Жоғарғы Бас қолбасшы Қасым-Жомарт Кемелұлы Тоқаевтың жастардың әскери борышын өтеуге деген ынтасын арттыру жөніндегі тапсырмасын ескере отырып, өткізіліп жатқан іс-шараның маңызын атап өтті. Депутаттар алдында сөз сөйлеген Қорғаныс министрінің бірінші орынбасары Марат Құсайынов әскерге шақыру саласындағы бірқатар мәселелерге назар аударды. Атап айтқанда, шақырудан жалтарғандарды іздеп-табудың тиімділігі төмен екенін, жергілікті атқарушы органдардың әскерге шақыруды қамтамасыз ету жөніндегі жұмысының баяу ұйымдастырылынын айтты. Сондай-ақ отырыс барысында медициналық қызметкерлердің кәсіби деңгейі, білікті медициналық мамандардың тапшылығы, әскерге шақырылушылардың денсаулық жағдайы және т.б. мәселелер қозғалды. Осы жиынға дайындық барысында комитет депутаттары өңірлердегі шақыру пункттеріне, жергілікті әскери басқару органдарына барды. Сонымен қатар шақыру және медициналық комиссия мүшелерімен кездесіп, әскерге шақырылушылармен кездесті. Азаматтарды әскери қызметке шақыру үдерісін жетілдіру, қызметшілердің ынтасын арттыру бойынша барлығы 40-қа жуық ұсыныс жиналды. Отырыста мемлекеттік органдардың өкілдері азаматтарды әскери қызметке шақыруды ұйымдастыру туралы баяндап, бірқатар мәселеге тоқталды. Атап айтқанда, жергілікті әскери басқару органдары ғимараттарының 70 пайыздан астамы күрделі жөндеуді қажет етіп отыр. 2020 жылы жергілікті әскери басқару органдарының автомобиль көлігімен қамтамасыз етілуі 40 пайызды, байланыс құралдарымен қамтамасыз етілуі 18 пайызды құрады. Ал компьютерлік техниканың 80 пайызы заман талабына сай болмауына байланысты жаңартылуға жатпайды. Іс-шарада депутаттар мерзімді әскери қызметтен өткендерге, оның ішінде оқу орындарына түсу, мемлекеттік қызметке, күштік құрылымдарға жұмысқа орналасу кезінде материалдық ынтыландыру жүйесін енгізуді көтерді. Олар – кредиттік каникулдар беру, әскерилердің отбасыларына коммуналдық қызметтерді төлеуге жеңілдіктер енгізу. Сонымен бірге дөңгелек үстелге қатысушылар жастардың денсаулығы мен медициналық комиссиялардың жұмысын ұйымдастыру мәселесіне көңіл бөлді. Депутаттардың айтуынша, бүгінде медициналық комиссияларды дәрігер-мамандармен жасақтау өткір мәселеге айналып отыр. Регламенттің ғана емес, комиссия құрамын ротациялауды жүзеге асыру мүмкіндіктерінің болмауы көптеген сыбайлас жемқорлық тәуекелдерін туындатады. Сондай-ақ депутаттар әскерге шақырылушылардың медицина мүмкіндіктеріне, соның ішінде заманауи диагностикаға бәрінің бірдей қол жеткізе алмауы мәселесін көтерді. Басқосуды қорытындылаған Комитет төрайымы А.Құспан маңызды проблемалар мен оларды шешу жолдарын атап өтті. Әсіресе, әскерге шақыру жұмысын қосымша қаржыландыру, оны реттейтін тиісті нормативтік құқықтық базаны жетілдіру, әскери қызметтің беделін арттыру және жастарды әскери борышын өтеуге ынталандыру. Жиында айтылған ұсыныстар депутаттық корпустың ағымдағы заң шығару қызметінде ескерілетін болады.Мәжілісте Қорғаныс өнеркәсібі және мемлекеттік қорғаныстық тапсырыс туралы заңды іске асыруға қатысты дөңгелек үстел өтті
4 мамыр, Мәжіліс үйі. Бүгін Мәжілісте «Қорғаныс өнеркәсібі және мемлекеттік қорғаныстық тапсырыс туралы» Заңын іске асырудың өзекті мәселелері туралы дөңгелек үстел отырысы өтті. Бейнеконференция форматында ұйымдастырылған жиынды Мәжілістің Халықаралық істер, қорғаныс және қауіпсіздік комитеті өткізді. Айгүл Қаұспанның төрағалығымен өткен отырысқа мемлекеттік органдардың, қоғамдық ұйымдар мен кәсіпорындардың, сондай-ақ Парламентаризм институтының өкілдері қатысты. Индустрия және инфрақұрылымдық даму вице-министрі Әділбек Сәрсембаев депутаттарды отандық өндірушілерді ынталандыру және армияны қару-жарақ пен әскери техниканың заманауи және жоғары технологиялық үлгілерімен жарақтандыру мәселелері туралы елімізде қабылданып жатқан шаралар туралы айтты. Сондай-ақ, Вице-министр 2019 жылғы наурызда қабылданған «Қорғаныс өнеркәсібі және мемлекеттік қорғаныстық тапсырыс туралы» заңды, оның ішінде бюджет қаражатын пайдаланудың ашықтығы мен тиімділігін арттыру бөлігінде одан әрі жетілдіру қажеттігі туралы мәлімдеді. Өз кезегінде, Қорғаныс министрінің орынбасары Руслан Шпекбаев жалпы саланың дамуына әсер ететін бірқатар мәселелерді атап өтті. Олар: өнім сапасы, пайдаланылмайтын әскери мүлікті сақтау, кәсіпорындардың қорғаныстық тапсырысқа едәуір тәуелділігі, іс жүзінде қосылған құны төмен өнім құнының жоғары болуы, өндірісті әртараптандырудың төмен көрсеткіштері және т.б. Баяндамашының пікірінше, осы және басқа да мәселелерді шешу қолданыстағы заңнамаға тиісті өзгерістер енгізуді талап етеді. Отырыс барасында, Мәжіліс депутаты Құдайберген Ержан пікір білдіріп, осы заң жобасы бойынша жұмыс тобының жетекшісі болды. Депутат аталған құжат бойынша Мәжіліс депутаттары бірқатар оң өзгерістер енгізген атап өтті. Олардың бірі: мемлекеттік қорғаныстық тапсырыс шеңберінде әскери мақсаттағы тауарларға, жұмыстарға және көрсетілетін қызметтерге баға белгілеу мәселесін реттеуге қатысты. Құдайберген Ержан атап өткендей, қазіргі уақытта депутаттар заңның жекелеген нормаларын жетілдіру бойынша жұмыс істеуде. Дөңгелек үстел барысында мемлекеттік органдардың, қорғаныс-өнеркәсіп кешені кәсіпорындары қауымдастығының, Орал "Зенит" зауытының және т.б. өкілдері сөз сөйлеп, өз ой-пікрілерімен бөлісті.Комитет отырысы
Қазақстан Республикасы Парламенті Мәжілісінің ғимаратында дөңгелек үстел болды. Онда Парламент Мәжілісінде қаралып жатқан «Қазақстан Республикасының Мемлекеттік шекарасы туралы» және «Қазақстан Республикасының кейбір заңнамалық актілеріне Қазақстан Республикасының Мемлекеттік шекарасы және Қазақстан Республикасы Ұлттық қауiпсiздiк комитетi Шекара қызметiнің мәселелері бойынша өзгерістер мен толықтырулар енгізу туралы» заң жобалары аясында Мемлекеттік шекараны қорғау және күзету саласындағы заңнаманы одан жетілдіру мәселелері қаралды және талқыланды. Дөңгелек үстел жұмысына Парламент Мәжілісінің депутаттары, Қазақстан Республикасы мемлекеттік органдарының және қоғамдық ұйымдарының өкілдері қатысты. ҰҚК Шекара қызметі директорының міндетін уақытша атқарушы Т.М.Стамбеков қатысушылар алдында Мемлекеттік шекараны қорғау мен күзету мәселелерін жетілдіру, сондай-ақ қойылып отырған талаптардың күшеюін ескере отырып, Шекара қызметін одан әрі дамыту мәселелері құқықтық реттеуді талап ететінін атап өтті. Отырыс барысында қаралып отырған мәселелер жан-жақты талқыланды. Отырысқа қатысушылар өз сөздерінде ұлттық қауіпсіздіктегі орын алып отырған қауіптерді ескере отырып, енгізіліп жатқан өзгерістердің маңызды екеніне және дер кезінде көтеріліп отырғанына назар аударды. Мәжіліс депутаттары Қазақстан Республикасы Үкіметінің - Шекара қызметінің кадрлық саясатын жетілдіру мәселесі жөніндегі, оның ішінде шекара әскерлерін іріктеуде әскери қызметшілерді кезекті және кезектен тыс аттестациядан өткізу жолымен және Қазақстан Республикасы азаматтары арасынан әскери қызметке шекара әскерлерін таңдап алу және әскерге алу - мәселесіне жете көңіл бөлу жөніндегі ұсыныстары Шекара қызметінің одан әрі дамуы мен нығаюына жағдай жасайтынын атап өтті. Халықаралық істер, қорғаныс және қауіпсіздік комитетінің төрғасы М.Әшімбаев дөңгелек үстел жұмысын қорытындылай келе, қаралып отырған мәселе жан-жақты, сондай-ақ кеңінен талқыланғанын және аталған заң жобаларымен одан әрі жұмыс жасау кезінде дөңгелек үстел барысында айтылған сындарлы ескертпелер мен ұсыныстардың ескерілетінін атап өтті. Сондай-ақ, шекара қауіпсіздігін қамтамасыз ету ұлттық қауіпсіздікті қамтамасыз етудің маңызды негізі болып табылады, ол Қазақстан Республикасының аумақтық тұтастығын, қол сұғылмауын және бөлiнбеуiн қамтамасыз етедi.
© 2024 Қазақстан Республикасының Парламенті
Барлық құқығы қорғалған
Creative Commons Attribution 4.0 International
Баяндама
