Бүгін Мәжілістің Жалпы отырысында депутаттар Қазақстан мен Қытай Үкіметі арасындағы тараптар азаматтарына қатысты ақпарат алмасу туралы келісімді ратификациялады.

Келісім Қазақстан Республикасы мен Қытай Халық Республикасының көші-қон және қос азаматтыққа қарсы іс-қимыл саласы құзыретті органдары арасындағы ынтымақтастықта құқықтық негіз қалыптастыруға мүмкіндік береді.

Құжат тараптар азаматтарына қатысты көші-қон саласында ақпарат алмасу бойынша өзара іс-қимылды, екіжақты ынтымақтастықты одан әрі дамытуға және нығайтуға ықпал ететін болады.

Мәжіліс заң жобасын қабылдап, Сенаттың қарауына жіберді.