Қазақстан Республикасы Парламенті Мәжілісінің депутаты Н.Г. Арсютин  2023 жылғы 24 мамырда депутаттардың "Грузия–Қазақстан"парламентаралық достық тобының делегациясымен кездесуіне қатысты.

Парламентшілер екіжақты ынтымақтастықты дамыту және нығайту мәселелерін талқылады.

Кездесу аясында елдер арасындағы транзит, логистика саласындағы әріптестікті дамыту мәселелері талқыланып, экономикалық, туристік, мәдени-гуманитарлық өзара іс-қимыл мәселелері қозғалды.

Кездесу қорытындысы бойынша тараптар екіжақты қарым-қатынастарды, оның ішінде парламентаралық достық топтарының бағытын дамытуға және нығайтуға келісті.