2024 жылғы 27 қаңтар Астана қаласы
Депутат Н.ДементьеваҰлттық құрылтайға дайындық бойынша жұмыс секциясына қатысты
Қазіргі уақытта биыл көктемде Атырау қаласында өтетін Ұлттық құрылтайдың үшінші отырысына дайындық жүргізілуде.
Ұлттық құрылтай төрағасының орынбасары – Мемлекеттік кеңесші Е.Қарин Құрылтай жұмысының негізгі бағыттары Президенттің «Egemen Qazaqstan» газетіне берген қаңтардағы сұхбатында көрініс тапқанын атап өтті және осы консультативтік-кеңесші алаң аясында Мемлекет басшысының бастамаларын іске асыру мәселелеріне қысқаша тоқталды.
Атап айтқанда, Шығыс Қазақстан облысы мен Абай облысында жаңа аудандарды қалпына келтіру және құру, өңірлік рәміздерді ретке келтіру, «Әзірет Сұлтан» тарихи-мәдени мұражай-қорығына «Ұлттық» мәртебесін беру, «Балалар кітапханасы» жобасы бойынша президенттік бастамаларды іске асыруға ерекше назар аударылды. Сондай-ақ бұл заңдылық пен тәртіп қағидаттарын бекіту және ілгерілету жөніндегі ауқымды жұмыс. Атап айтқанда, отбасылық-тұрмыстық зорлық-зомбылыққа қарсы іс-қимыл, балалар мен әйелдердің құқықтарын қорғау, нашақорлық пен есірткі бизнесіне қарсы күрестің 2023-2025 жылдарға арналған кешенді жоспарын бекіту, ҚР Парламенті Мәжілісінің вейптерді әкелуге, өндіруге, сатуға және таратуға толық тыйым салу туралы заң жобасын қабылдауы және басқалар.
Іс-шара аясында 4 жұмыс тобы «Азаматтық қоғам», «Мәдениет. Өнер. Руханият», «Білім және ғылым» және «Әлеуметтік-экономикалық даму» секциялары бойынша өтті.
Секциялар жұмысы барысында мемлекеттік органдар тарапынан Ұлттық құрылтай мүшелерінің бұрын айтылған ұсыныстары бойынша кері байланыс жасалды, сондай-ақ консолидацияны нығайтуға, қоғамдық тәртіп пен заңдылықты сақтауға, жалпыұлттық құндылықтарды ілгерілетуге бағытталған жаңа ұсыныстар мен ұсынымдар талқыланды. Осы бастамалардың барлығын Ұлттық құрылтай хатшылығы мұқият пысықтайтын болады. «Биыл Ұлттық құрылтайдың үшінші отырысы қасиетті Атырау жерінде наурыз айында өтпек. Алдындағы екі отырыс Ұлытау мен Түркістан жерлерінде өтті. Бүгін Ұлттық құрылтайдың мүшелері әр түрлі бағыттағы жұмыс отырыстарына жиналып, пікір алмасты. Соның ішінде білім беру мен ғылым, әлеуметтік саясат, мәдениет пен рухани даму, тағы басқа мәселелер талқыланды. Ең алдымен, былтыр Түркістан облысында өткен Ұлттық құрылтайда Қазақстан Республикасының Президенті Қ.К.Тоқаевтің берген тапсырмасы қалай жүзеге асырылғаны туралы құзырлы органдардың есебі тыңдалды, қорытынды жасалды. Тарихи маңызы бар жыл сайынғы Ұлттық құрылтай, шынымен де, азаматтық қоғамды алаңдататын мәселелер мен сауалдарды талқылауға, тиісті шешім табуға арналған демократиялық алаңға айналды!»-деп жазды депутат Н.Дементьева өзінің желілеріндегі жеке парағында.
