Бүгін депутат Алматы облысындағы халық ең тығыз орналасқан Іле ауданына барып, тұрғындармен кездесу өткізді. Қала іргесінде орналасқан ауылдардың проблемасы шаш етектен. Жолдардың сапасы мен көлік кептелісі тұрғындарды әбден қалжыратып жіберіпті. Себебі көбі Алматыға қатынап жұмыс жасайды, оқиды. Сондықтан күнделікті сағаттап көлік кептелісінде тұруға мәжбүр. Осы мәселені шешу үшін, айналма жолдар мен көлік көпірлерін көптеп салуды сұрап отыр.