2023 жылғы 29 қарашада ҚР Парламенті Мәжілісінің Аграрлық мәселелер комитеті «Азық-түлік келісім-шарт корпорациясы» Ұлттық компаниясы» акционерлік қоғамының қызметі және елдегі ағымдағы астық теңгеріміне қатысты тақырыптық отырыс өткізді.
Жиынға ауыл шаруашылығы, қаржы, ұлттық экономика, сауда және интеграция, көлік министрліктері, «Азық-түлік несие корпорациясы» ҰК» акционерлік қоғамы, сондай-ақ салалық одақтар мен қауымдастықтардың өкілдері, ауыл шаруашылығы тауарын өндірушілерге ресурс жеткізушілер мен фермерлер қатысты.
Жиын барысында мынадай мәселелер талқыланды:
- Класқа жатпайтын бидайды өткізу жөніндегі шаралар, отандық диқандардың 2024 жылғы егіс жұмыстарына дайындығы, әсіресе тұқым қорының мәселелеріне қатысты;
- ҚР Президентінің «Азық-түлік келісім-шарт корпорациясы» ҰК» акционерлік қоғамының функциясын кеңейту жөніндегі тапсырмасын іске асыруға қатысты.
Депутаттар мен жиынға қатысушылар жоғарыда аталған түйткілді мәселелерді шешуге бағытталған бірқатар шараны ұсынды. Осыған байланысты Үкіметке тиісті ұсынымдар жіберілетін болады.
