Достар, Жамбыл облысынан жұмыс сапарынан оралдым, онда партияластарымызбен Байзақ, Жамбыл, Жуалы аудандарына барып қайттық.

Жергілікті шаруалармен кездесіп, "Медеу", "Сатыбалды", "Қуат", "Жамбыл", "Теріс Ащыбұлақ", "Көксай"су арналарының жағдайын зерттедік. Аймақтың көптеген шаруалары көрші елден келетін судың аздығына, тарату желісінің дұрыс емес жағдайына және мердігерлердің міндеттемелерін тиісті түрде орындамауына шағымдануда. Бұл қазақстандық шаруалардың ортақ жанайқайы екенін атап өткім келеді. Шағымдар партияның күн тәртібіне алынды.

Әрі қарай "Шәріпов" шаруа қожалығында болып, қызылша өсірудегі суару қондырғыларын пайдалану бойынша шаруашылық жұмысының тәжірибесін бағалап, шаруа қожалықтарының басшыларымен кездестім. Өңірде соңғы жылдары 750 гектар суармалы жер жаңбырлатқыш қондырғыларды қолдану арқылы іске қосылған екен.

"Қызыл дихан қожалығы" қызылша өсіру алқаптарын араладық, мұнда да суармалы судың жетіспеушілігі өршіп тұр. Осыған байланысты ағымдағы жылы суарудың жетіспеуі салдарынан 2350 гектардан 400 гектардан астам жер айналымнан шығарылды. Шаруалар дабыл қағып, ылғал тапшылығына және егін шығынын өтеуге байланысты төтенше жағдай режимін енгізуді сұрауда.

Түркияның тәжірибесіндей, сақтандыру механизмін талқыладық, онда егіншілер 10 күн ішінде сақтандыру төлемдерін алады, сондай тәжірибе біздің елге де қажет. Шаруаларды қаржыландыру және субсидиялау, суармалы жерлерде ұңғымалар салу сұрақтары жіті назарға алынды.

"Зылиха" ШҚ картоп алқаптары мен "Ержан" ШҚ астық өсіру, "З. Мешелова" ірімшік зауытының жұмысымен таныстық.

Жұмыс сапарының соңында Жамбыл облысының әкімімен кездесіп, суармалы су тапшылығы мен аграрлық саланың мәселелерін шешу жолдарын талқыладық.

Біз өз тарапымыздан әрбір өтінішті қарастырып, өңірдегі қалыптасқан жағдайды шешу бойынша бір реттік емес, жүйелі шаралар қабылдайтын боламыз.