Партия дегеніміз не? Партия - бұл аймақтар, біздің мақсаттарымызға ортақ адамдар, 3-онжылдықта құрылған партияларға сенімсіздікке қарамастан, бізге сенім артқан жақтастар.
Мұндай адамдар - Respublica Partiyasy съезіне жиналған біздің партияластарымыз. 3 күнгі пікірталас, тренингтер мен байланыс алмасуда – команданың барлық мүшелері арасындағы өзара қарым-қатынас жолға қойылды.
Съезд бойынша не айта аламын?
1. Партия сайлаудан сайлауға дейін жұмыс істемейді: біз жүйелі түрде сайлау бағдарламасында белгіленген мақсаттарды көздеудеміз. Иә, өткен 3 ай бірінші кезекте біздің фракцияның Мәжілістегі жұмысының қалыптасуы болды. Бірақ депутаттық каникул басталғаннан бері, әріптестеріммен бірге өңірлермен айналыстық: облыстардың мәселелерін өз көзімізбен көріп, тұрғындардың пікірін тыңдау, жолдардың сапасын, әскери және ауыл шаруашылығы қызметкерлерінің еңбек жағдайларын сезіну үшін бүкіл елді араладық.
Съезге барлық өңірлерді жинадық, парламенттік фракция мен мәслихат депутаттарының өзара іс-қимылын күшейтуге, партияның Орталық аппараты мен Мәжіліс депутаттарының қолдауымен өз өңірлеріндегі барлық филиалдардың ұстанымдарын нығайтуға келістік.
2. Жұмысымыздың келесі маңызды кезеңі - аудан әкімдерін сайлау. Еліміздің 45 ауданы пилоттық режимде өз әкімдеріне дауыс беретін болады, кандидаттар қатарында міндетті түрде Respublica партиясының өкілдері де болады. Бұл үлкен реформа, енді аудан әкімі партиялық болуы мүмкін, болуы да керек, біз осы сайлауға барлық тәжірибені ескере отырып, дайындалып жатырмыз. Достар, Сіздер осы күзде біздің кандидаттарды қолдайсыздар деп үміттенемін!
3. Мақсаттар бірлігіндегі партияның күші, көзқарас пен тәсілдердің бірлігі. Сондықтан өңірлер арасында берік байланыс орнату өте маңызды деп санаймын. Біз өз ойларымызбен, қорытындыларымызбен бөлістік, сынға алдық және дауластық, дәлелдедік және келістік, осы үшін партияластардың ашық айту мәдениетіне ерекше алғыс айтамын. Партияның әр мүшесі құнды, әр дауыс естіледі.
Талқылауларда Қостанайдың қатал көктемінде боранға қарамай, біздің партиялықтар 10-15 адамға түсіндіру жұмыстарын жүргізу үшін шалғай ауылдарға барғанын еске алдық. Біз қазір де осы қағиданы ұстанамыз - әрбір дауыс, әрбір сайлаушы, партияның әрбір мүшесі маңызды.
3 күн ішінде делегаттар оқу-жаттығудан өтті, фракция бойынша есепті тыңдады, тимбилдингте командалық тапсырмаларды орындады, алдағы 5 жылға арналған партиялық мақсаттардың негізін құрды. Бұл туралы кейінірек айтамын.
Біз аймақтық филиалдарымызға сайлау науқанында белсенді жұмыс істегені үшін ресми түрде алғыс айттық. Съездің әрбір делегатына қатысып, қолдағаны үшін алғыс білдіремін!
