Инклюзивті Парламент: Депутат Д.Наумованың жұмысы

Депутат Д. Наумова Инклюзивті жаңа коворкинг хабтың ашылу салтанатына қатысуы

2024 жылдың 11 қазанында Л.Гумилев атындағы Еуразия ұлттық университетінде «Ешкім сырт қалмайды» онкүндігі аясында Мәжіліс депутаттары Динара Наумова мен Т.Серіковтың қатысуымен Инклюзивті жаңа коворкинг хаб - «Инклюзия хабының» ашылу салтанаты өтті.

Коворкинг кеңістігінің негізгі мақсаттары:

- мүгедектерді қамту және жұмысқа орналастыру саласындағы өзгерістердің негізгі ойыншылары мен драйверлері арасындағы ашық диалог алаңы;

- мүмкіндігі шектеулі адамның тиімді жұмыс істей алатынын көру мүмкіндігі

(кәсіпкерлердің жеке өзі тексеруі маңызды);

- инклюзивті технологияларды дамыту – әмбебап дизайннан АТ-ны дамытуға дейін.

Инклюзивті коворкинг – мүмкіндігі шектеулі адамдардың қажеттіліктеріне бейімделген инфрақұрылым. Орын мен компьютерді тегін брондауға, өз жобаларымен жұмыс істеуге, білім беру бағдарламаларына қатысуға, клиенттермен және командалармен кездесулер өткізуге болатын мүмкіндігі шектеулі жаңадан бастағандар үшін кеңістік ыңғайлы жұмыс үшін жасалған.