2024 жылғы 23 мамыр күні Мәжіліс депутаттары Ардақ Назаров, Болат Керімбек, Нұргүл Тау, Жұлдыз Сүлейменова, Айна Мысырәлімова, Ажар Сағандықова және Таңсауле Серіков Зияткерлік мектептердің Басқарма басшылығымен кездесті.

Диалогтың басты тақырыбы НЗМ-де қоғамдық бақылау тетіктерін нығайту болды, бұл заңнама мен мектеп басшылығындағы өзгерістерден кейін ерекше маңызға ие болды. Бұл өзгерістер ашықтық пен есептілікті арттыруға бағытталған.

Жиынға қатысушылар халықтың аз қамтылған топтары мен ауыл мектептерінің оқушыларын қолдауға ерекше назар аударып, жалпы білім беретін мектептердің бағдарламаларына Зияткерлік мектептердің озық тәжірибелері мен инновациялық тәсілдерін енгізу мәселесін талқылады.