Бүгін елдегі ауылдық денсаулық сақтаудың қазіргі жағдайы мен даму перспективаларына арналған Үкіметтік сағат өтті, оны дайындау мен өткізуге депутат Г.А. Нұрымова жауапты болды. Баяндамашы - Денсаулық сақтау министрі А.Г. Ғиният ауыл тұрғындарын медициналық қамтамасыз ету үшін мемлекет тарапынан жүзеге асырылып жатқан шаралар туралы айтып, депутаттардың Жолдауда белгіленген Мемлекет басшысының реформаларын орындау жөніндегі сұрақтарына жауап берді. Министрліктің өзіне де, осы бағытқа жетекшілік ететін ЖАО өкілдеріне де көптеген сұрақтар айтылды. Ауылдық денсаулық сақтау саласында көптеген проблемалар бар. Ең алдымен, бұл ескірген материалдық-техникалық базамен, дәрігерлер мен кіші медициналық персоналдың жетіспеушілігімен, медициналық жабдықтардың жетіспеушілігімен, дәрі-дәрмектерге қол жетімділіктің болмауымен және басқа да проблемалармен қиындаған ауылдағы медициналық көмектің қолжетімділігімен байланысты жағдай.
Депутат Г.Нұрымова Министрге жедел медициналық жәрдем қызметіне байланысты проблемалар және оны орталықсыздандыру туралы сұрақ қойды.
Өз баяндамасында Г.А.Нұрыомва ана мен бала өлімі, ауылдағы әйелдерді, әсіресе жүкті әйелдерді динамикалық бақылау және емдеу, гемодиализ бөлімшелерінің болмауы, санитариялық авиацияның нашар дамыған қызметі, денсаулық сақтау саласындағы медициналық қызметтерге төмен тарифтер, ауылдық жерлерде жан басына шаққандағы нормативтің төмен коэффициенті, ТМККК есебінен скринингтер жүргізуді қамтамасыз ету сияқты ауылдық денсаулық сақтау проблемаларын көтерді.
Үкіметтік сағатқа өңірлердегі сарапшылар - ауылдық денсаулық сақтау саласындағы ардагерлері А.К.Қадырбаев, А.П.Рафальский және «Senim Денсаулық сақтау жүйесі қызметкерлерінің салалық кәсіподағы» республикалық қоғамдық бірлестігінің Қостанай облыстық филиалының төрайымы Т. Б. Булгацевич сөз сөйледі.
Депутат Г.А. Нұрымова кешкі сағат 18.00.-де Үкіметтік сағаты тақырыбына арналған "Хабар" телеарнасындағы «Қорытынды» атты бағдарламасына және «Қазақстан» телеарнасындағы «1001 түн» бағдарламаларына қатысты.
