20 маусымда депутат ҚР Парламенті Палаталарының бірлескен отырысына қатысты. Депутаттар ҚР Конституциялық сотының жыл сайынғы Жолдауын тыңдады, онымен Конституциялық Соттың төрағасы Э. Әзімова сөз сөйледі.

    Парламент Үкімет пен Жоғары аудиторлық Палатаның 2022 жылғы республикалық бюджеттің атқарылуы туралы есептерін бекітті және "Прокуратура туралы" ҚР Конституциялық заңына өзгерістер мен толықтырулар енгізу туралы" Конституциялық заңды қабылдады. Сондай-ақ, екі Палатаның депутаттары Қазақстанның орнықты дамуы саласындағы ұлттық мақсаттар мен міндеттердің іске асырылуын мониторингілеу жөніндегі парламенттік комиссияның құрамын бекітті.