Бүгін Парламент Мәжілісінің пленарлық отырысында Премьер- Министрдің орынбасары Тамара Дүйсеноваға депутатық сауалымды жолдадым. Депутаттық сауалдың негізгі мазмұны кіші медицина қызметкерлерін әлеуметтік қамсыздандыру мәселелері бойынша болды. Шындығында кіші медициналық қызметкерлер атқаратын жұмысы өте ауыр.
Әсіресе операциялық блокта жұмыс жасайтын мед персонал қызметкерлері. Операциядан соң жуатын да, тазалайтын да солар, отадан кейінгі орынды тазалау да оңай емес. Медициналық қоқыстарды шығару да солардың мойнында. Және де операциялық құралдардан, жуатын химиялық заттардан болатын радиация бар және де психо-эмоцианалды көрсеткіш үшін дәрігерлерге, медбикелерге үстемақы төленеді, кіші персоналға жоқ. Реанимациялық бөлімде, хосписте, психо-неврологиялық, туберкулездік диспансерлерде жұмыс жасайтын кіші медициналық қызметкерлердің жалақысы төмен. Осы мәселерді айта келе, осы қызметкерлердің жалақысын екі есе өсіруді, жұмыс берушілер есебінен санаториға жолдама және пәтер алу үшін жеңілдетілген несие берілуін ұсындым. Әрбір қызметкер еңбегіне орай бағалануы керек.