Келісім Беларусь Республикасына электр энергиясын, табиғи газды және көмірді қоспағанда, Еуразиялық экономикалық одақтың Сыртқы экономикалық қызметі бірыңғай тауар номенклатурасының 27-тобында сыныпталатын Тауарларды беру бойынша Қазақстан Республикасының Үкіметі мен Беларусь Республикасының Үкіметі арасындағы сауда-экономикалық ынтымақтастықтың шарттарын айқындау мақсатында әзірленді.

Ынтымақтастық өзара мүдделерді қорғауға негізделеді, ол мұнай өнімдерін жеткізу саласындағы өзара тиімді ынтымақтастықты тереңдетуге және еуразиялық экономикалық интеграция жолымен ілгерілетуге мүдделілікті негізге ала отырып, Тараптар мемлекеттерінің әрқайсысының мүдделеріне нұқсан келтірмеуге тиіс.