Заң жобасында азаматтық қорғау органдары қызметкерлерінің әлеуметтік мәртебесін арттыруға, адамдар жаппай болатын объектілерді пайдалануға қабылдау кезінде өрт бақылауды қайта бастауға, мемлекеттік материалдық резервтің жүйесін орталықсыздандыруға, ұйымдардың жекелеген өндірістік бақылау қызметін құру жөніндегі міндетін бекітуге, қауіпті өндірістік объектілерді жаңарту мен техникалық қайта жарақтандырудың жиынтық жоспарын Төтенше жағдайлар министрлігімен келісуге, сейсмикалық қауіпсіздікті қамтамасыз ету жөніндегі нормаларды айқындауға бағытталған түзетулер, сондай-ақ азаматтық қорғау саласындағы заңнаманы жетілдіру жөніндегі басқа да түзетулер көзделеді.

Заң жобасын іске асыру мемлекеттік бюджеттен жыл сайын 873,2 млн. тенге сомасында қаржылық шығындарды талап етеді (Республикалық бюджет комиссиясының 2023 жылғы 18 сәуірдегі №18 шешімімен мақұлданған).