Парламент Мәжілісінің жалпы отырысында "Жылумен жабдықтау саласындағы басқару тиімділігінің, тартылған қаржы қаражатын мақсатты пайдаланудың және жылу энергиясын өндіру және беру объектілерінің инвестициялық бағдарламаларды орындауының мемлекеттік аудиті" аудиторлық іс-шарасының қорытындысы бойынша жоғары аудиторлық Палатаның (ЖТП) бірінші есебі тыңдалды.

Баяндаманы тыңдап, депутаттар сұрақтар қойды. Мәжіліс депутаты Ринат Заиытов Энергетика министрлігінің бақылауындағы 40 кәсіпорын 2020-2022 жылдары күзгі-қысқы жұмыстарға дайындалу үшін құжаттарды мүлдем алмағанын, яғни олар өтінім бермегенін айтты. Осыған байланысты депутат Энергетика министрі Алмасадам Сәтқалиевтен осы фактінің себебі және алдағы жұмыс жоспарлары туралы сұрады.