Жалағаш кентіндегі темір жол арқылы өтетін аспалы көпір салынып жатқанынан хабардармыз. Мамыр айында облыс басшысы Нұрлыбек Машбекұлы ел ағаларымен бірге көпірдің іргетасын қалап кеткенін білеміз.

Бүгін соның құрылысымен арнайы таныстық.

Жаяу жүргіншілер жүретін көпірдің құрылысы қарқынды. Оған 328 млн теңге бөлінген.

Жалағаштықтардың көптен бері көтеріп жүрген мәселесі шешімін тауып жатыр. Құрылыс аяқталып, пайдалануға берілсе, теміржолдың екі жағында қоныстанған кент тұрғындары қиындықсыз бір-біріне қатынай алады.