Жалағаш ауданының орталығында қоғамдық қабылдау өткіздік.

Мұнда азаматтар жайылым, такси қызметі, аудандық аурухананың кәріз жүйесін жаңғырту, Жалағаш кентіндегі №31 мектеп-гимназия ғимаратын, Бұқарбай батыр ауылындағы 1977 жылы салынған мектеп ғимаратын күрделі жөндеу мәселелерін жеткізді.

Сондай-ақ Чернобыль АЭС апаты аумағында болған тұрғын өздеріне шипажай, оңалту орталықтарына жолдама берілгенімен, ондағы емдеу процедуралары ақылы екенін қынжылыспен айтты. Осы көмектің аясын кеңейту жағын қарастыруды ұсынды.

Жалағаш ауданына жасаған сапарымызда көрген-білген, ойға түйген мәселелердің оңтайлы шешілуіне алдағы уақытта Мәжіліс депутаты ретінде өз ықпалымызды тигізуге күш саламыз.