Қызылорда қаласының Бәйтерек шағын ауданында 600 орындық мектеп салынып жатыр. Бұдан көбіңіз хабардарсыздар. Құрылысы 2020 жылы басталған еді. Түрлі себеппен құрылысы созбалаңға салынды.

Бірақ бүгінде жұмыс қалыпты жүріп жатыр. Сонда әріптестерімізбен бірге барып, құрылысты көзімізбен көрдік.

Осы жазда мектеп құрылысы аяқталып, қыркүйекте пайдалануға беріледі. Мердігермен сөйлестік, уәдесін беріп отыр.

Сонымен қатар, “Бәйтерек” тұрғындары үшін толғақты мәселенің бірі — қаланың орталығымен байланыстыратын, «Оң жақ магистральды» каналы арқылы өтетін автомобиль көпірінің құрылысы. Бұл проблема да шешілуге жақын. Көпір көп кешікпей ел игілігіне беріледі. Құрылыс жұмысымен танысып қайттық.

Жалпы, “Бәйтеректе” мәселе көп екенін білеміз. Қуаныштысы сол, рет-ретімен шешіліп жатыр. Көшелерге асфальт төселді. Спорт, ойын алаңдары салынды. Тағы да жарқын жобалар іске асады деп ойлаймын.