Кеше «Аманат» партиясының Шиелі аудандық филиалында қоғамдық қабылдау өткіздік. Тұрғындар өздерінің талап-тілегін жеткізді.

Солардың бірі — ауыз су мәселесі: қысымы төмен және 32 шақырым екінші желісін тарту керек Жиделі топтық су торабына. Экология және табиғи ресурстар министрлігінiң Су ресурстары комитетіне, «Қазсушар» мекемесіне осы жағдайды жеткізуді,шешіп беруді сұрады.

Сонымен қатар, Ақмая елді мекенінің тұрғындары өздері тұрып жатқан жерлерді (үйлерді, әлеуметтік нысандарды) ыза су басып кететінін айтып, дренажды насос жүйесі орнатылса деген тілегін жеткізді.

Ал мыңнан аса тұрғыны бар Тұрғанбай датқа ауылының адамдары елді мекенге баратын 15 шақырымдық жолды салып беру мәселесін қаперімізге салды.

Тағы бір азамат Шиелі ауданында тау етегінен балалар тынығу лагерін салу мәселесін көтерді.

Қоғамдық қабылдауда айтылған түйткілдерді зерделеп, шешілуіне барынша атсалысатын боламыз.