Салық кодексі қайта жазылады. Әсіресе, ең маңызды тұсы саналатын салықтық әкімшілендіру мәселесі түгел қайта жазылуға тиіс. Президент халыққа жолдауында осылай деді. Мемлекет басшысы Парламент палаталарының бірлескен отырысында экономиканың тұрақты өсуі - салық саясатының түсінікті және болжауға болатындай етіп жүргізілуіне тікелей байланысты екенін атап өтті.