Мәжілістегі Қаржы және бюджет комитетінде Мәди Тәкиевтің төрағалығымен ҚР кейбір заңнамалық актілеріне трансферттік баға белгілеу мәселелері бойынша өзгерістер мен толықтырулар енгізу туралы заң жобасының таныстырылымы өтті.

– Қазіргі уақытта Мемлекет басшысының трансферттік баға белгілеу бойынша бақылау шараларын күшейту жөніндегі тапсырмасын орындау шеңберінде Қаржы министрлігі Экономикалық ынтымақтастық және даму ұйымы сарапшыларының ресми қорытындысымен расталған түзетулер жобасын әзірледі, - деді Қаржы вице-министрі.

Не ұсынылады?

1. Нарықтық бағаны анықтау әдістерін қолдану иерархиясын жетілдіру;

2. Нарықтық диапазонды анықтау тетігін енгізу;

3. Капиталды шығару бойынша бақылауды күшейту мақсатында тараптардың өзара байланыстылығын айқындауды кеңейту;

4. Капиталды шығаруға қарсы іс-қимыл мақсатында тауар биржаларында жасалған мәмілелердің трансферттік баға белгілеуі бойынша бақылауды қайтару;

5. Өзара байланысты резидент емес тұлғалармен операцияларды жүзеге асыратын салық төлеушілерге жергілікті есептілікті ұсыну міндетін жүктеу.