Құрметті достар!

Мемлекет басшысы Қасым-Жомарт Кемелұлы Тоқаев халыққа Жолдауында экономикалық дамуға басымдық бергенімен, әлеуметтік салаға байланысты өзекті мәселелерге де ерекше мән берді.

Президентіміз баланың сапалы білім алуына мүмкіндік беру мақсатында 5 жастан «Келешек» атты жинақ жүйесі енгізілетінін айтты.

Сонымен бірге жас ұрпақтың қауіпсіз әрі сапалы өмір сүруі үшін барлық жағдай жасалуы керектігіне баса көңіл аударды. Кәмелет жасына толмаған балаларға зорлық-зомбылық жасағандарға қатысты жазаны күшейтуді талап етті.

⁉️«Келешек» атты жинақ жүйесінің жұмысы қалай болуы керек?

⁉️Балалардың қауіпсіздігіне және жазаны қатаңдатуға Арнайы заң қабылдау керек пе, қандай тетіктер қарастырылуы тиіс?

Осы сұрақтарды және әлеуметтік салаға байланысты тапсырмаларды Qazaqstan TV арнасының Aqparat бағдарламасында журналист Армангүл Тоқтамұрат талқыладық.