Орталық Азия Мемлекеттері басшыларының бесінші Консультативтік кездесуі аясында 2023 жылғы 14-15 қыркүйекте Душанбе қаласында Тәжікстанда Орталық Азия көшбасшылары-әйелдер диалогының "Орталық Азиядағы климаттың өзгеруіне бейімделу контекстінде гендерлік теңдікке қол жеткізу"өңірлік кездесуі өтті.
ҚР Парламенті Мәжілісі төрағасының орынбасары Дания Еспаева құттықтау сөз сөйлеп, өз баяндамасында климаттың өзгеруіне бейімделу, су тапшылығын еңсеруге, экономиканың энергетикалық тиімділігін арттыруға, жаңартылатын энергия көздерін дамытуға, азық-түлік қауіпсіздігіне, гендерлік саясатқа, Орталық Азия елдеріне бағытталған шаралар мен іс-қимылдар мәселелерінде өңірлік кооперацияның маңыздылығын атап өтті.
ТДМ іске асырудағы гендерлік және экологиялық мәселелер жөніндегі панельдік сессияларда - Қазақстан Республикасы әйелдер істері жөніндегі Ұлттық комиссия басшысының орынбасары Ләззат Сүлеймен және ҚР Парламенті Мәжілісі қоғамдық палатасының эколог - сарапшысы Айжан Сқақова сөз сөйледі.
Кездесуде Тәжікстан, Өзбекстан, Түрікменстан Қырғызстан елдері парламенттерінің өкілдері, сондай-ақ БҰҰ-ның "Әйелдер бейбітшілік пен қауіпсіздік"өңірінде жүзеге асырылып жатқан стратегиясының маңыздылығын атап өткен БҰҰ өкілдері сөз сөйледі.
"Әйелдер диалогы" парламентаралық өзара іс-қимыл форматы өз жұмысын 2020 жылдан бастап БҰҰ Орталық Азия үшін алдын алу дипломатиясы жөніндегі өңірлік орталығының қолдауымен бастады. Өңірлік кездесулерді өткізудің мақсаты барлық мүдделі тараптарға пікір, Ақпарат және тәжірибе алмасу үшін алаң беру, сондай-ақ климаттың өзгеруі, экологиялық тәуекелдерді төмендету стратегиялары мен бағдарламалары контекстінде әйелдер мен қыздардың гендерлік теңдікке қол жеткізудегі және мүмкіндіктерін кеңейтудегі одан әрі ынтымақтастық үшін ұсынымдар әзірлеу болып табылады.
