Бүгінгі күні шет елдермен парламентаралық байланыстар нығайып келеді.

Осыған байланысты достық топтары деңгейінде Мәжілісте Алжир Республикасының Қазақстандағы Төтенше және Өкілетті Елшісі Камал Фениш мырзамен кездесу өтті.

 Елші Алжир мен Қазақстанның ұстанымдары, жер көлемі, қазба байлықтары сынды ұқсас, ортақ тұстары көп екенін және Қазақстан тәуелсіздігін алғашқылардың бірі болып танығанын атап өтті.

Жиында депутаттар  Алжирдің заңнамалық, құқықтық саладағы жүйесіне, ондағы әріптестерімнің қызметіне қатысты сұрақтарына жауап алды.

Мұндай кездесулер заңнама саласында жан-жақты тәжірибе алмасуға және халықтарымыздың достығын арттыруға жол ашатыны сөзсіз.