Астана, 4 сәуір, Мәжіліс үйі. Бүгін Парламент Мәжілісінің Экономикалық реформа және өңірлік даму комитетінің отырысында Қазақстан Республикасының Индустрия және инфрақұрылымдық даму министрі лауазымына Марат Кәрімжанұлы Қарабаевтың кандидатурасы келісілді.

Мәселе «Қазақстан Республикасының Парламенті және оның депутаттарының мәртебесі туралы» Конституциялық заңның 22-1-бабына сәйкес қаралды.

Отырыстың нәтижесі бойынша ұсынылған кандидатураны Қазақстан Республикасының Индустрия және инфрақұрылымдық даму министрі қызметіне тағайындауға болатыны туралы қорытынды қабылданды.

(Мәжілістің Баспасөз қызметі, 74-63-01)