Снежанна Имашева өз сөзінде Қазақстан Финляндияны Солтүстік Еуропа өңірінде маңызды әріптесі ретінде қарастыратынын және ынтымақтастықтың барлық бағыты бойынша өзара іс-әрекетті одан әрі нығайтуға мүдделі екенін атап өтті.

Бейінді комитет басшысы Әділет канцлеріне елімізде жүргізіліп жатқан ауқымды саяси және әлеуметтік-экономикалық реформалар туралы ақпарат берді.

– 2022 жылғы 5 маусымда Қазақстанда конституциялық референдум өтті. Оның қорытындысы бойынша қабылданған заңдар Президенттің өкілеттігін басқа билік институттарына қайта бөлуге, сайлау жүйесін жетілдіруге, құқық қорғау институттарын күшейтуге және сайлау процесін жаңғыртуға мүмкіндік берді, – деді Снежанна Имашева.

Өз кезегінде Туомос Пошти Қазақстандағы саяси және заңнамалық өзгерістердің маңыздылығын атап өтті. Ол сондай-ақ Финляндияның сот жүйесінің ерекшеліктеріне тоқталып, сот реформасы аясында қазақстандық әріптестерімен тәжірибе бөлісуге дайын екендіктерін жеткізді.

Сондай-ақ кездесуге Мәжілістің Заңнама және сот-құқықтық реформа комитетінің хатшысы Магеррам Магеррамов, Финляндияның Қазақстандағы Төтенше және Өкілетті Елшісі Сойли Мякеляйнен-Буханист және тағы басқалар қатысты.

Мәжілістің баспасөз қызметі 74-66-20, Фото Т.Таныбаев