Н. Нығматулин: Қазақстан Президентінің ғаламдық қауіпсіздікті нығайту бастамалары әлемдік қауымдастықтың қолдауына ие.
Астана, 30 тамыз, Мәжіліс үйі. Бүгін Мәжілісте Палата Спикері Нұрлан Нығматулин ЕҚЫҰ Парламенттік Ассамблеясының вице-төрағасы Азай Гулиевпен кездесті. Мәжіліс Төрағасы мәртебелі мейманды жаңа қызметімен құттықтай отырып, Орталық Азия мен ЕҚЫҰ ПА мемлекеттері арасындағы ынтымақтастықты одан әрі нығайту маңыздылығына тоқталды. Кездесу барысында «Ядролық қарусыз әлем құру» халықаралық конференциясында талқыланған маңызды мәселелерге, сондай-ақ, парламентаралық өзара іс-қимылды дамытуға айрықша көңіл бөлінді. Қазақстан Президентінің ядроға қарсы бастамалары халықаралық қауымдастықтың кең қолдауына ие екенін алға тартқан Н. Нығматулин Елбасының БҰҰ аясында халықаралық лаңкестік пен экстремизмге қарсы іс-қимылдың бірыңғай әлемдік жүйесін құру туралы маңызды бастамасына көңіл бөлді. Сондай-ақ, Мәжіліс Спикері экономикалық байланыстарды дамыту ЕҚЫҰ кеңістігінде ынтымақтастық пен өзара татулықты нығайтуға ықпал ететініне сенім білдірді.Мәжіліс вице-спикері Армения Ұлттық Жиналысының сыртқы байланыс бойынша комиссия төрағасымен кездесті
Астана, 29 тамыз , Мәжіліс Үйі. Бүгін Мәжілісте Палата Төрағасының орынбасары Владимир Божко Армения Ұлттық Жиналысының сыртқы байланыс бойынша комиссия төрағасы Артак Саакаянмен кездесті. Мәжіліс Төрағасының орынбасары армениялық әріптесін Семей ядролық сынақ алаңының жабылғанына 25 жыл толғанына және ядролық сынақтарға қарсы халықаралық күнге арналған еске алу іс-шараларына қатысуға арнайы келгеніне алғысын білдірді. Биылғы жыл ел Тәуелсіздігінің 25 жылдық мерейтойы. Қазақстан оның алғашқы күнінен ядроға қарсы қозғалыстың әлемдік көшбасшысы болып табылатын Елбасы Нұрсұлтан Назарбаевтың ядролық қарусыздану мен оны таратпау жолын ұстанып келе жатқанын айтып өтті. Сонымен бірге еліміздің 2017-2018 жылдарға БҰҰ Қауіпсіздік Кеңесіне тұрақты емес мүшелікке сайланғанын айтып, мейманның назарын Қазақстан Президенті ұсынған «Бейбітшілік XXI ғасыр» атты Манифестіне аударды. Мәжіліс вице-спикері қазақстан-арменияаралық сауда-экономикалық қарым-қатынастарды таратып, мейманды Қазақстан Республикасы Парламентінің қызметімен таныстырды. Өз кезегінде Армения Ұлттық Жиналысының сыртқы байланыс бойынша комиссия төрағасы «Ядролық қарусыз әлем құру» атты бүгінгі өткен конференция жұмысына ресми шақырылғанына ризашылық білдірді және ҚР Мемлекет Басшысы Н.Назарбаевтың әлемдік деңгейдегі елеулі үлесін атап өтті. Сондай-ақ. Екі ел Парламенттері арасындағы достық және ынтымақтастық байланыстардың маңызына тоқталды.Н.Нығматулин «ядролық қарусыз әлем құру» Халықаралық конференциясы аясында кездесу өткізді
Астана, 29 тамыз, Мәжіліс үйі. Бүгін Мәжіліс Спикері Нұрлан Нығматулин Парламентаралық одақ төрағасы (ПАО) Сабер Чоудхуримен халықаралық қауіпсіздік мәселелерін талқылады. Мейман біздің елімізге алғаш рет «Ядролық қарусыз әлем құру» конференциясына қатысу үшін келді. Н. Нығматулин атап өткендей, Қазақстан Президенті Нұрсұлтан Назарбаевтың ядролық қаруды таратпау саласындағы ауқымды бастамалары әлемдік тұрақтылықты, тәртіп пен қауіпсіздікті сақтау жолындағы ерен еңбегі. Өз кезегінде Сабер Чоудхури де Қазақстан Президентінің осы саладағы батыл қадамдары мен маңызды бастамаларына тәнті екенін білдірді. Мәжіліс Спикері ғаламдық өзекті мәселелерді шешу үшін бүкіл әлем парламенттерінің күшін біріктіруде ПАО рөлінің маңыздылығына тоқталды. Мәжіліс Төрағасының пікірінше, қазақстандық Парламент өкілдері Парламентаралық одақтың ықпалын одан әрі нығайтуға, сондай-ақ, өзара іс-қимылды жан-жақты күшейтуге мүдделі. ПАО төрағасы өз кезегінде Еуразия, Орталық Азия елдері ұйымның маңызды әріптестері екенін атап өтті.Мәжіліс Спикері Н. Нығматулин Маршалл Аралдары Республикасынан келген делегация өкілдерімен кездесті
Астана. 29-маусым. Мәжіліс үйі. Бүгін ҚР Парламенті Мәжілісінің Төрағасы Нұрлан Нығматулин «Ядролық қарусыз әлем құру» форумы аясында Маршалл Аралдары елінен келген делегация өкілдерімен кездесті. Делегацияны Маршалл Аралдары Парламентінің төрағасы Кеннет Кеди бастап келді. Жүздесу барысында тараптар ядросыз әлем мәселесіне айрықша назар аударды. Қазақстан Президенті Нұрсұлтан Назарбаевтың әлемдік ядроға қарсы қозғалыстың теңдесссіз көшбасшысы екенін айта келе, Нұрлан Нығматулин ядролық қарусыздану және таратпау үрдісінде біздің еліміздің алдыңғы қатарда тұрғанын атап өтті. Одан әрі Мәжіліс Төрағасы Елбасының Семей ядролық полигонын жабу мен әлемде төртінші орын алатын ядролық арсеналдан бас тарту туралы шешімінің тарихи мәні мен маңыздылығына тоқталды. Мәжіліс Спикері: -Қазақстан Президентінің ядролық қаруды таратпау саласындағы ауқымды бастамалары әлемдік тұрақтылықты, тәртіп пен қауіпсіздікті сақтау жолындағы ерен еңбегі,-деп атап өтті. Кездесу иелерінің пікірінше, осы салада қос мемлекет халқының тағдыры ұқсас. Себебі ел тұрғындары Қазақстан мен Маршалл Аралдарында өткізілген ядролық сынақтардың зардабын бүгінге дейін көріп келеді. Өз кезегінде Кеннет Кеди: -Сондықтан да біздің елдеріміз арасындағы ынтымақтастық зор болуы керек. Біз Қазақстан Парламентіне әсіресе, ядролық қарусыздану мәселесінде толықтай қолдау көрсетуге дайынбыз,-деді. Осы ретте Мәжіліс Төрағасы Елбасының бейбіт өмірге үндейтін «Бейбітшілік. XXI ғасыр» манифестіне ерекше тоқталып, осы орайда «Ядролық қарусыз әлем құру» халықаралық конференциясы бүкіл әлемдік қауымдастықты ядролық қарудан толық бас тарту жолындағы ортақ мақсатқа жетелейтінін атап өтті. Жүздесу барысында Қазақстанның 2017-2018 жылдары БҰҰ Қауіпсіздік Кеңесіне тұрақты емес мүшелігіне сайлануы, «ЭКСПО - 2017» халықаралық көрмесін өткізу сынды маңызды тақырыптарға көңіл бөлінді. Сондай-ақ, кездесу иелері екіжақты қарым-қатынасты дамыту, қос мемлекеттің заң шығарушы органдары арасындағы парламентаралық ынтымақтастықты нығайту мәселелерін жан-жақты талқылады. Айта кетейік, Қазақстанның бастамасымен және БҰҰ Бас Ассамблеясының қолдауымен 29-тамыз халықаралық ядролық сынақтарға қарсы іс-қимыл күні ретінде белгіленген болатын.Н. Нығматулин: Қазақстан Президентінің Түркия мен Ресей ұстанымдарын жақындатудағы рөлі айрықша
Астана. 25-маусым. Мәжіліс үйі. Бүгін ҚР Парламенті Мәжілісінің Төрағасы Нұрлан Нығматулин Түркияның Қазақстандағы Төтенше және Өкілетті елшісі Невзат Уяныкпен алғашқы ресми кездесу өткізіп, қазақстандық-түріктік ынтымақтастықтың өзекті сұрақтарын талқылады. Тараптар қос мемлекет басшыларының мемлекеттік іс-сапарлары мен кездесулерінің арқасында жыл сайын жоғары деңгейде дамып келе жатқан екіжақты қарым-қатынас жайына тоқталды. Қазақстан Президенті Нұрсұлтан Назарбаев Түркияда іске аспай қалған әскери төңкеріс жасау әрекетінен кейін алғашқы болып Анкараға ресми сапармен барды. Невзат Уянык өз кезегінде бұл сапарды Түркия халқы мен Үкіметінің өте жоғары бағалағанын, сонымен қатар, бұл сапар әлем алдында Қазақстанның қолдауын айғақтай отырып, нағыз достық пен бауырластықты дәлелдегенін айтты. Мәжіліс Спикерінің айтуынша Түркия халқы осы кезеңде өз басшыларын қолдау арқылы демократиялықтың жоғары үлгісін көрсетіп, ауыр сынақтан лайықты өтті. Сонымен қатар, Мәжіліс Төрағасы елшіге және бүкіл түркі халқына рақымсыз лаңкестік оқиғадан кейінгі қайғылы жағдайға байланысты көңіл айту білдірді. -Қазақстан лаңкестік әрекеттің кез-келген түрін қатаң айыптайтынын, оған қарсы батыл күрес жүргізіп, осы бағытта халықаралық қауымдастықпен белсенді іс-қимыл жасайды,-деді Н. Нығматулин. Н. Нығматулин Қазақстан Президентінің Ресей мен Түркия ұстанымдарын жақындастырудағы маңызды әрі сындарлы рөлін алға тартып, Қазақстан әрқашанда Түркияның стратегиялық сенімді әріптесі әрі досы болып қалатынын атап өтті. Өз кезегінде елші Нұрсұлтан Назарбаевтың көреген әрі салиқалы саясатының нәтижесінде Қазақстанның 25 жылдық мерейтойға қарқынды даму табысымен келгендігі барша Түркиялықтарды тәнті ететінін алға тартты. Парламентаралық байланыс мәселесін де назардан тыс қалдырмаған кездесу иелері екі ел депутаттарының ынтымақтастық жөніндегі топтар мен халықаралық парламенттік ұйымдар арқылы бірлесе белсенді жұмыс атқаруға дайын екендіктерін жеткізді.Мәжіліс Төрағасының орынбасары германиялық делегация өкілдерімен кездесті
Астана, 17-тамыз. Мәжіліс үйі. Бүгін Парламентте Мәжіліс Төрағасының орынбасары Владимир Божко Германия Федеративтік Республикасы ауылшаруашылығы және азық-түлік федеративтік министрлігінің парламенттік статс-хатшысы Петер Блезер бастаған делегация өкілдерімен кездесті. Тараптар қазақстандық-германиялық қарым-қатынасты жан-жақты дамыту жайын сөз етті. Әсіресе ауылшаруашлығы саласына айрықша көңіл бөлген кездесу иелері қазіргі уақытта қос мемлекет арасында аграрлық-саяси үнқатысудың табысты дамып келе жатқанын алға тарта келіп, одан әрі нығайту жайына назар аударды. Өз кезегінде мәртебелі мейман аталған салада Қазақстанның әлеуеті бүкіл әлем бойынша өте зор екенін айтып, екіжақты мүмкіндіктерді пайдалана отырып, бірлескен іс-қимылды тереңдетудің маңыздылығын атап өтті. Кездесу барысында В. Божко Қазақстан мен Германия арасындағы саяси, әлеуметтік-экономикалық, мәдени-гуманитарлық қарым-қатынас мәселелеріне назар аудара келіп, парламентаралық байланыс деңгейіне тоқталды. Сонымен қатар, делегация өкілдерін Елбасы Нұрсұлтан Назарбаевтың бастамасымен қолға алынып жатқан Қазақстанның стратегиялық даму жоспарларымен таныстырды. Кездесуге сондай-ақ, ҚР Парламенті Мәжілісінің аграрлық мәселелер жөніндегі комитетінің төрағасы Сапархан Омаров қатысты.ҚАЗАҚСТАН ПАРЛАМЕНТШІЛЕРІНІҢ РЕСЕЙ ДЕЛЕГАЦИЯСЫМЕН КЕЗДЕСУІ
Астана, 20 маусым, Мәжіліс Үйі. Бүгін Парламент Мәжілісінің заңнама және сот-құқықтық реформа комитетінің хатшысы Светлана Бычкова бастаған бір топ депутаты РФ Президентінің кеңесшісі Вениамин Яковлев бастаған «Ресей заңгерлерінің ассоциациясы» бүкілресейлік қоғамдық ұйымының делегациясымен кездесті. Әңгімелесудің басты тақырыбы заңнамалық бастама, оны әзірлеу, талқылау және заң қабылдау, сот жүйесіне, маман әзірлеуге және соттарды тағайындауға, соттардың тәуелсіздігін нығайтуға қатысты болды. Тараптар мемлекеттік және жекеменшік сот орындаушылардың, төрелік сот шешімдерінің орындалуы тақырыбын да қозғады. Әңгіме соңында олар аталған өзекті мәселелердің заңнамалық шешімін табуда тәжірибе алмасу үшін Парламентте бүгінгідей кездесулер өткізуді алдағы кезде де жалғастыруға келісті. Жүздесуге Мәжіліс тарапынан депутаттар: Арман Қожахметов, Қанат Мусин, Снежана Имашева, Гүлнар Бижанова қатысты.ҚАЗАҚСТАН – ҚЫТАЙ КОММУНИСТЕРДІҢ ЫНТЫМАҚТАСТЫҒЫ
Астана, 10 маусым. Мәжіліс үйі. Бүгін Мәжілістің «Халықтық коммунистер» фракциясының бір топ депутаты Жамбыл Ахметбековтың жетекшілігінде Қытай Коммунистік партиясы Орталық комитетінің Сыртқы байланыстар бөлімінің меңгерушісі Сун Тао мырзамен кездесті. Қазақстандық парламентші Қытай Коммунистік партиясының келе жатқан 95 жылдығымен құттықтады. Ширек ғасырдан бергі екі мемлекет арасындағы достық қарым-қатынастың қарқынды өркендеп келе жатқанына, Қытай Қазақстанның стратегиялық серіктесі екендігіне тоқталды. Одан кейін екі ел арасындағы парламентаралық ынтымақтастық байланыстардың маңызы жайында, заң шығарушы органдар арасындағы байланыстар жөнінде кеңінен айтып берді. Кездесу барысында «Нұрлы жол» Жаңа Экономикалық саясат мен «Жібек жолы экономикалық белдеуінің» тоғысуы жайында пікір алмасулар болды. Кездесуге ҚХР ҚР Төтенше және Өкілетті елшісі Ханьхуэй Чжан, сонымен қатар ҚХКП атынан сайланған депутаттар Владимир Косарев, Галина Баймаханова, Айқын Қоңыров және Магеррам Магеррамов қатысты.ҚАЗАҚСТАН МЕН РЕСЕЙ АРАСЫНДАҒЫ ЖАН-ЖАҚТЫ ҚАРЫМ- ҚАТЫНАС ТАЛҚЫЛАНДЫ
Астана. 10-маусым. Мәжіліс үйі. Мәжіліс Төрағасы Бақтықожа Ізмұхамбетов Ресей Федерациясының Қазақстандағы Төтенше және Өкілетті елшісі Михаил Бочарниковты қабылдады. Тараптар қос мемлекет президенттерінің салиқалы саясатының арқасында қарқынды дамып келе жатқан Қазақстан мен Ресей арасындағы стратегиялық әріптестік жайына айрықша назар аударды. Мәжіліс Төрағасы мейманды жыл сайын 12-маусымда аталып өтілетін Ресей күні мерекесімен құттықтай келіп, Ресей Федерациясы әркезде Қазақстанның маңызды әріптесі әрі одақтасы және сенімді досы болып қала беретінін жеткізді. Өз кезегінде елші кешегі жалпыұлттық аза тұту күніне байланысты көңіл айту білдірді. Осы ретте Мәжіліс Төрағасы Ақтөбеде орын алған аяусыз, қаскөй лаңкестік әрекетті айыптай келіп: -Бұл біздің жас мемлекетіміз үшін ащы сабақ болды. Қоғамдық келісім, саяси тұрақтылық біздің көп ұлтты Қазақстанымыздың басты құндылықтары болып табылады. Елбасымыз, Үкімет, Парламент, басқа да құзырлы органдар алдағы уақытта мұндай жағдайдың алдын-алу үшін тиісті шараларды қолға алатыны сөзсіз,-деді. Одан әрі тараптар қос мемлекет арасындағы халықаралық қауіпсіздік, мәдени-гуманитарлық байланыс мәселелерін талқылады. Кездесу иелері әлемдік экономикалық дағдарыс екі ел арасындағы сауда-экономикалық қарым-қатынастың дамуына өз салқынын тигізгенін, алайда, өткен жылдың қаңтар айынан іске кіріскен ЕАЭО біздің елдеріміздің ұлттық экономикасын тұрақтандыруда айрықша рөл атқарып келе жатқанын атап өтті. Қазақстандық-ресейлік әріптестіктің барлық салада жан-жақты, табысты дамып келе жатқанын алға тартқан М. Бочарников 2017 жылы екі ел арасында дипломатиялық қарым-қатынастың орнағанына 25 жыл толатынын еске салды. Б. Ізмұхамбетов пен М. Бочарников парламентаралық ынтымақтастықты нығайтудың маңыздылығын да назардан тыс қалдырмады. Қазіргі уақытта ҚР Парламенті Мәжілісі мен РФ Мемлекеттік Думасының арасында өзара іс-қимыл орнатылған. Палаталарымыз арасында ынтымақтастық туралы келісім бар. Депутаттар ТМД Парламентаралық Ассамблеясы, ҰҚШҰ, ЕҚЫҰ Парламенттік Ассамблеясы аясында жемісті еңбек етуде. Мәжіліс Спикері атап өткендей, РФ Федералдық Жиналысы Федерация Кеңесінің Төрайымы Валентина Матвиенконың жуырдағы Қазақстанға сапары парламентаралық ынтымақтастықтың дамуына өзіндік серпін берген.Б. ІЗМҰХАМБЕТОВ: 40 ЖУЫҚ МЕМЛЕКЕТ ЕАЭО-пен ЫНТЫМАҚТАСТЫҚ ОРНАТУҒА ЫНТАЛЫ
Астана, 19 мамыр, Мәжіліс үйі. Санкт-Петерборда өтіп жатқан «Еуразиялық экономикалық перспектива» IV халықаралық форумында сөйлеген сөзінде Мәжіліс Төрағасы Бақтықожа Ізмұхамбетов ЕАЭО-ты дамытудың халықаралық бағдарына айрықша назар аударды. Б. Измұхамбетовтің пікірінше, Қазақстан Президентінің ірі интеграциялық жобаларды түйіндестіру мақсатында «Үлкен Еуразия» құру туралы идеясының өзектілігі жыл санап артып келеді. Осы ретте Мәжіліс Спикері ЕАЭО, ШЫҰ-мен ықпалдастық, Жібек жолының экономикалық белдеуі әріптестікті дамытудың маңызды тетіктері екендігін атап өтті. Бақтықожа Ізмұхамбетовтің сөзінше, өзара іс-қимыл көлік-логистикалық саламен шектелмейді. Осы ретте Мәжіліс Төрағасы: - Екі ұйымға қатысушы-мемлекеттер экономикасының жиынтық көлемі 11 трлн. доллардан астам немесе ЖІӨ жалпы әлемдік көлемінің 15 пайызын құрайды. Тұрғындар саны біржарым млрд-тан асады. Жақын уақытта Қытаймен сауда-экономикалық ынтымақтастық туралы келіссөздер басталады. Энергетика, телекоммуникация, пайдалы қазбаларды өндіру және қайта өңдеу сынды салаларда өзара тиімді мүмкіндіктер бар. Және өндірістік, агроөнеркәсіптік, инновациялық кооперация жақсы әлеуетке ие,-деп атап өтті. Жалпы алғанда 40 мемлекет ЕАЭО-пен ынтымақтастық орнатуға ынталы екенін алға тартқан Мәжіліс Төрағасы Одақтың еркін сауда аймағы жүйесін кеңейту арқылы ірі сауда блоктарымен өзара тиімді әріптестік орнату қажеттілігі туралы пікірін білдірді. Олар, атап айтқанда, Еуропалық одақ, сондай-ақ, Транс-тынық мұхиты. Жиынға қатысушы парламентшілердің айтуынша, Қазақстан Президентінің ЕАЭО-ЕО форматында халықаралық конференция өткізу туралы бастамалары Еуроодақпен еркін сауда аймағын құру жөніндегі келіссөздер процесін жеделдетуге жол ашады. - Одақты дамыту процесі - өңірлік экономикалық бірлестіктермен стратегеиялық ынтымақтастыққа шыға отырып, аймақтық жоспар бойынша интеграцияны біртіндеп дамытудан көрінеді,-деді Б. Ізмұхамбетов. Сондай-ақ, Форумда сөйлеген сөзінде Мәжіліс Төрағасы парламентшілерді, саясаткерлер мен сарапшыларды Қазақстан Президентінің «Әлем. XXI ғасыр» манифесін алға жылжыту жолында бірігуге шақырды. Б. Ізмұхамбетов: - ЕАЭО мүшелері арасында, сондай-ақ, үшінші мемлекеттермен өзара тиімді сауда-экономикалық ынтымақтастық тек қана жалпыға ортақ және бөлінбейтін бейбіт жағдайда ғана мүмкін болмақ. Сондықтан, Қазақстан Көшбасшысының манифесі – халықаралық экономикалық ынтымақтастық та негізделетін ғаламдық қауіпсіздікті сақтау, бейбітшілікті нығайту ісіне қосылған зор үлес,-деді.Б. ІЗМҰХАМБЕТОВ: ҮЙЛЕСТІРІЛГЕН АГРАРЛЫҚ САЯСАТ – АЛДАҒЫ ОНЖЫЛДЫҚТАҒЫ ЕУРАЗИЯЛЫҚ ИНТЕГРАЦИЯНЫҢ МАҢЫЗДЫ БАҒЫТЫ
Астана, 19 мамыр, Мәжіліс үйі. Мәжіліс Төрағасы Бақтықожа Ізмұхамбетов «Еуразиялық экономикалық перспектива» IV халықаралық форумында сөйлеген сөзінде келісілген аграрлық саясатты одан әрі жалғастыру және оның ЕАЭО инфрақұрылымы мен көліктік-логистикалық дамуға байланысты түйіндесу мүмкіндіктерін меңгеруді ұсынды. Мәжіліс депутаттары қатысып жатқан бұл маңызды форум бүгін Санкт-Петерборда ТМД Парламентаралық Ассамблеясының көктемгі сессиясы аясында өтіп жатыр. Онда ЕАЭО Азияның оңтүстік-шығыс елдерімен ынтымақтастық перспективасы, еркін сауда аймағын құру мәселелері әңгіме өзегіне айналды. Б. Ізмұхамбетов БҰҰ болжамы бойынша 2050 жылға қарай әлем тұрғындарының саны 10 млрд-тан асатындығын, соған сәйкес, азық-түлік өніміне деген сұраныс 70 пайызға артатындығын еске салды. Қазіргі уақытта дүниежүзінде экологиялық таза өнімге деген сұраныс жыл сайын 20-30 пайызға артқаны байқалады. - Тұрақты дамудың ғаламдық күн тәртібінде азық-түлік қауіпсіздігін қамтамасыз ету аса өзекті болмақ. Бізде осы олқылықтың орнын толтыру үшін табиғи ресурстар да адам капиталы да бар. Сонымен қатар, ЕАЭО-тың Еуропа, Қытай, Азия аралығында орналасуы бізді қажетті басымдықтармен қамтамасыз етеді,-деді Мәжіліс Спикері. Мәжіліс Төрағасының айтуынша, бүгінгі күні Қазақстанда 100 млн-нан артық жер ауылшаруашылығы айналымына берілген. Соңғы 10 жылда ауылшаруашылығында өндіру көлемі 41 пайызға, экспорткөлемі 59 пайызға артқан. Осы саланың негізгі капиталына құйылған инвестиция көлемі 2005 жылы 149 млн. доллардан 2015 жылы 507 млн. долларға, 3 есеге дейін ұлғайды. Өз сөзінде Б. Ізмұхамбетов отандық ауылшаруашылығы өнімдерін өндірушілерді қолдау үшін заңнамалық база құру қажеттілігін атап өтті. Өткен жылы «Ауылшаруашылығы коопертивтері туралы» және «Органикалық өнімдер өндіру туралы» заңдар қабылданған болатын. Мәжіліс Төрағасы аталған саланы дамытуға және жаңа технологиялар енгізуге Астанада орналасатын азық-түлік қауіпсіздігі жөніндегі Ислам ұйымы да ықпал ететіндігін жеткізді.МӘЖІЛІС ТӨРАҒАСЫ Б. ІЗМҰХАМБЕТОВ В. МАТВИЕНКОМЕН КЕЗДЕСТІ
Астана. 11-мамыр. Мәжіліс үйі. Бүгін Мәжіліс Төрағасы Бақтықожа Ізмұхамбетов ҚР Парламенті Сенатының шақыруы бойынша Қазақстанға ресми сапармен келген РФ Федералдық Жиналысы Федерация Кеңесінің Төрайымы Валентина Матвиенко бастаған делегация өкілдерімен кездесті. Тараптар қос мемлекет президенттерінің салиқалы саясатының арқасында қарқынды дамып келе жатқан Қазақстан мен Ресей арасындағы стратегиялық әріптестік жайына айрықша назар аударды. Кездесу барысында Еуразиялық Экономикалық Одақ мәселесі әңгіме өзегіне айналды. Мәжіліс Төрағасы Қазақстанның осы жылы ЕАЭО-на төрағалық ететінін алға тартып, Қазақстан Президентінің 2016-жылды «ЕАЭО-ның үшінші елдермен және маңызды интеграциялық бірлестіктермен экономикалық қатынастарды тереңдету жылы» деп жариялау ұсынысын жеткізді. Өз кезегінде В. Матвиенко Елбасы Нұрсұлтан Назарбаевтың бастамашылығымен құрылған Еуразиялық Экономикалық Одақ бағытында Ресейдің Қазақстанмен толықтай ниеттес екендігін, экономикалық байланысты тереңдету жылы ретіндегі ұсыныс ынтымақтастықты күшейткісі келетін елдерге дер кезінде жасалған белгі екендігін айтты. Және мейман біздің еліміздің төрағалығы аталған одақ жұмысына тың серпін беретіндігіне сенімді. Сонымен қатар, халықаралық парламентаралық байланыс жайы да тараптар назарынан тыс қалмады. Осы ретте ТМД Парламентаралық Ассамблеясының елдер арасындағы модельдік заңдарды үйлестірудігі маңыздылығын сөз еткен М. Матвиенко осы жолда Қазақстан Парламенті депутаттарының да үлесі зор екендігін, бұл жұмысты одан әрі белсенді жалғастыру керектігін айтты. Ал, Парламентаралық ықпалдастық жайына келсек, Мәжілісте Ресей Федерациясымен ынтымақтастық жөніндегі топ, сондай-ақ, РФ Федералдық Жиналысы Мемлекеттік Думасымен палатаралық парламенттік комиссия жұмыс істейді.Б.ІЗМҰХАМБЕТОВ: ПОЛЬША ҚАЗАҚСТАННЫҢ МАҢЫЗДЫ САЯСИ ЖӘНЕ ЭКОНОМИКАЛЫҚ ӘРІПТЕСІ
Астана. 5-мамыр. Мәжіліс үйі. Бүгін Мәжіліс Төрағасы Бақтықожа Ізмұхамбетов біздің елімізге ресми сапармен келген Польша Республикасы Парламенті Сенаты делегациясымен кездесті. Делегация құрамын Польша Сенатының төрағасы Станислав Карчевски бастап келді. Мәжіліс Төрағасы мәртебелі мейманды Польша елінің жыл сайын 3 мамырда атап өтетін Конституция күнімен құттықтады. Құжат 1791 жылы қабылданған. Одан әрі тараптар барлық сала бойынша екіжақты ықпалдастықтың маңызды мәселелерін талқылады. Мәжіліс Төрағасы атап өткендей, Польша Қазақстанның Орталық және Шығыс Еуропадағы маңызды саяси және экономикалық әріптесі. 2015 жылы екі ел арасындағы тауар айналымы 1 млрд долларды құраған. Бүгінгі күні біздің мемлекетімізде польшалық капиталдың қатысуымен 190 компания жұмыс істейді. Кездесу иелері алдағы уақытта елдер арасындағы экономикалық байланысты одан әрі күшейте түсудің маңыздылығын, оған қос мемлекеттің де әлеуеті жеткілікті екендігін атап өтті. Осы орайда Қазақстан Президентінің ағымдағы жылдың тамыз айында Польша мемлекетіне жоспарланған іс-сапарына айрықша мән берген мәртебелі мейман, оның екі елдің стратегиялық қарым-қатынасын одан әрі тереңдетуге серпін беретіндігіне сенімді. Мәжіліс Спикерінің айтуынша Қазақстан Еуроодақпен ынтымақтастықты дамытуға да барынша ынталы. Оған ағымдағы жылдың наурыз айында Қазақстан Парламентінде ратификацияланған Қазақстан мен Еуроодақ арасындағы ынтымақтастық пен әріптестікті кеңейту туралы келісім дәлел. Осы орайда С. Карчевски аталған келісімнің Польша Парламентінде де тезірек ратификациялануына ықпал ететіндігін жеткізді. Б. Ізмұхамбетов поляк кәсіпкерлерін Қазақстанда «Нұрлы жол» жаңа экономикалық саясаты мен үдемелі индустриялық даму бағдарламасы аясында маңызды жобаларға белсене қатысуға шақырды. Осы ретте Астанада өтетін «ЭКСПО-2017» көрмесінің басымдықтарына айрықша назар аударылды(Польша мемлекетіне бөлінген павильон көлемі 400 ш.м.). Мәжіліс Спикері Қазақстан мен Польшаның транзиттік мемлекеттер екенін алға тартып, Батыс Еуропа мен Азия бағытында тауарлар тасу көлемін арттыру жолында осы мүмкіндікті кеңінен пайдалану керектігіне тоқталды. Парламентаралық қатынас жөнінде екі ел парламенттері арасында ынтымақтастық жөніндегі топтың жұмысына көңіл бөлініп, қос тарап бүгінгі кездесудің қазақстандық-поляктық қарым-қатынасты, соның ішінде парламентаралық байланысты одан әрі нығайтуға жол ашатынына сенім білдірді.ЕЛБАСЫНЫҢ "ӘЛЕМ. XX ҒАСЫР» МАНИФЕСІ ТАБЫС ЕТІЛДІ.
Астана. 29-сәуір. Мәжіліс үйі. Бүгін Мәжілістің Халықаралық істер, Қорғаныс және қауіпсіздік комитетінің мүшесі Бақытжан Ертаев пен Экология мәселелері және табиғат пайдалану комитетінің төрағасы Глеб Шегельский Катар елінен келген делегация мүшелерін қабылдады. Тараптар бұл жылы жүздесуді тарихы терең тамырластықтан басталған достық кездесу ретінде бағалады. Әңгіме барысында Қазақстан мен Катар елі арасындағы қатынас жыл санап қарқынды дамып келе жатқандағы айтылды. Делегация жетекшісі, муниципалитет және қоршаған ортаны қорғау министрі Мухаммад Абдуллах Аль Румайхи қос мемлекет арасындағы ынтымақтастық барлық салада, әсіресе, саяси бағытта өте жоғары деңгейде екенін және болашақта да нығая түсетінін жеткізді. Комитет төрағасы Г. Щегельский делегация мүшелерін экология саласында атқарылып жатқан жұмыстармен таныстыра келіп, Қазақстан Президентінің бүгін ғана «Қазақстан Республикасының кейбір заңнамалық актілеріне Қазақстан Республикасының «жасыл экономикаға» көшуі мәселелері бойынша өзгерістер мен торлықтырулар енгізу туралы» Заңға қол қойғанынан хабардар етті. Осыған орай Катар елінің келер жылы Астанада өтетін «ЭКСПО-2017» халықаралық көрмесіне белсене қатысатындағына сенім білдірді. Комитет төрағасы Елбасының халықаралық деңгейдегі маңызды бастамаларын сөз ете келіп, делегация жетекшісіне «Әлем.XXI ғасыр» манифесін табыс етті. Бақытжан Ертаев Қазақстан Президентінің бүкіл әлемді бейбіт өмірге үндеу жолындағы батыл қадамдарын алға тарта келіп, дүниежүзіндегі 4-арсенал ядролық құралдан бас барту бастамасына айрықша назар аударды. Б. Ертаев мәртебелі мейманның иығына шапан жауып шығарып салды.ҚАЗАҚСТАН ПАРЛАМЕНТІНІҢ ДЕЛЕГАЦИЯСЫ САНКТ-ПЕТЕРБОРДА ЖАМБЫЛ ЕСКЕРТКІШІНДЕ
Астана. 18-сәуір. Мәжіліс үйі. ҚР Парламентінің депутаттары Санкт-Петерборда ТМД ПАА салтанатты шараларына қатысу барысында Ұлы Отан соғысы батырларының ескерткішіне тағзым етті. Сонымен қатар Сенат пен Мәжіліс Төрағалары Қасым-Жомарт Тоқаев пен Қабиболла Жақыпов Жамбыл ескерткішіне де гүл қойды. Қоршауда қалған Ленинградтықтардың ерлігін жырға қосқан қазақтың ұлы ақынына Нева жағасындағы қалада ескерткіш қойылған. «Ленинградтық ұландарым! Мақтанышым сендер менің!»,- деп басталатын әйгілі жыр жолдары ТМД ПАА мерейтойлық салтанатты жалпы отырысында Таврия залының Дума мінберінен де жаңғырды.К.ЖАҚЫПОВ: ХАЛЫҚАРАЛЫҚ БАҚЫЛАУШЫЛАРДЫҢ ҚАТЫСУЫ САЙЛАУДЫҢ МАҢЫЗЫН АРТТЫРЫП, СЕНІМДІ ЖОҒАРЫЛАТАДЫ
Астана, 17 сәуір. Мәжіліс үйі. Палата Төрағасы Қабиболла Жақыпов бастаған мәжілісмендер Санкт-Петерборда ТМД Парламентаралық Ассамблеясы шараларына қатысты. ТМД ПАА Кеңесі жиынының күн тәртібінде қаралған мәселенің бірі – 2015 жылы 26 сәуірде өтетін Қазақстан Республикасы Президенті сайлауына халықаралық бақылаушы ретінде ТМД ПАА өкілдігін жіберу туралы. Мәжіліс Спикерінің пікірінше, халықаралық бақылаушылардың болуы сайлаудың мән-маңызын арттырып, сенімді жоғарылатады және ашықтық пен жариялылықты қамтамасыз етуге ықпал етеді. ТМД ПАА 42-пленарлық отырысында Достастық елдері парламенттері технологиялық терроризмге қарсы іс-қимыл, шекаралық қауіпсіздік, денсаулық қорғау саласы, еріктілік, аудиторлық қызмет, туристік салалардағы модельдік заңнамаларға қатысты өзекті сұрақтарды талқылады. Әсіресе, Ұлы Отан Соғысы Жеңісінің 70 жылдық мерейтойына орай арнайы әзірленген «Отан қорғау кезінде қаза болғандарды мәңгі есте қалдыру туралы» және « Патриоттық тәрбие беру туралы» сынды модельдік заңдарға айрықша көңіл бөлінді.ТМД ЕЛДЕРІ ПАРЛАМЕНТШІЛЕРІ: ҰЛЫ ОТАН СОҒЫСЫ ЖЕҢІСІНІҢ 70 ЖЫЛДЫҚ МЕРЕЙТОЙЫ – ШЫНАЙЫ ДОСТЫҚТЫҢ АЙШЫҚТЫ БЕЛГІСІ
Астана, 17 сәуір, Мәжіліс үйі. Палата Төрағасы Қабиболла Жақыпов бастаған мәжілісмендер делегациясы Санкт-Петерборда Ұлы Отан Соғысы Жеңісінің 70 жылдық мерейтойына арналған ТМД Парламентаралық Ассамблеясының салтанатты пленарлық отырысына қатысты. Жиынға қатысқан ТМД елдері парламентшілерінің, ардагерлердің айтуынша Жеңістің 70 жылдық мерейтойы – бостандықты, ізгілікті, әділдікті қадірлейтін әрбір азамат үшін қасиетті күн әрі шынайы достықтың айшықты белгісі. Сондай-ақ, жаңа мыңжылдықта көп қырлы ынтымақтастықты дамытудың кепілі. Отырысқа қатысушылар парламентаралық құрылымдардың, соның ішінде, ТМД Парламентаралық Ассамблеясының Ұлы Отан Соғысы батырларының қайталанбас ерлігіне тағзым ету, есте қалдыру жолындағы айрықша рөліне тоқталды. Ұйымның заң шығармашылық қызметіне баса көңіл бөлінді. Бүгінгі күні парламентаралық Ассамблеяның күш-жігерінің арқасында бірқатар заңнамалық құжаттар әзірленді. Салтанатты жиын барысында ардагерлерге ТМД мемлекеттер басшылары кеңесімен бекітілген «Ұлы Отан Соғысы Жеңісіне 70 жыл» мерейтойлық медаль табыс етілді. Одан әрі әскери оркестрлердің қатысуымен мерекелік концерт өтті.САНКТ-ПЕТЕРБОРДА «ЕСКЕ АЛУ ЭСТАФЕТАСЫ» САЛТАНАТТЫ ТҮРДЕ ӨЗ МӘРЕСІНЕ ЖЕТТІ
Астана, 17 сәуір, Мәжіліс үйі. Палата Төрағасы Қабиболла Жақыпов бастаған мәжілісмендер делегациясы Ұлы Отан соғысы жеңісінің 70 жылдық мерейтойына орай ТМД Парламентаралық Ассамблеясы ұйымдастырған «Еске алу Эстафетасы» акциясының мәрелік салтанатына қатысты. Акция 11 наурызда Беларусь астанасы Минскіде басталған-ды. Парламентаралық Ассамблея өкілдері Ұлы Отан соғысы құрбандарына арналған мемориалда болып, арнайы капсуламен мәңгілік алаудың бөлшегін алып шыққан болатын. Таврический сарайында болған салтанатты шарада ТМД ПАА қатысушы-мемлекеттер парламенттерінің өкілдері жалын бөлшектерін бірегей Достастық алауына біріктірді. Ол Санкт-Петербордағы «Ленинградты ерлікпен қорғаушылар монументі» мемлекеттік тарихи мұражайына жолданды. Сонымен қатар, салтанат барысында Б.Н.Ельцин атындағы президенттік кітапханада «Біз жеңдік, өйткені біз бірге болдық» көрмесінің ашылуы өтіп, жиналғандар назарына 1941-1945 жж. Отан соғысы дәуірін суреттейтін кинохроникалар, фотосуреттер, тарихи құжаттар ұсынылды. Қорғаныс құралдары, Қызыл Армия әскерлерінің жеке заттары, марапаттары мен медальдары көрсетілді. Қазақстан мен қазақстандықтардың жеңіске қосқан үлесі арнайы экспозицияда баяндалды. Мәжіліс делегациясы құрамында М.Әшімбаев, М.Бегентаев, Б.Ертаев, А.Қожахметов, В.Рогалев, Р.Сәрпеков, С.Сейдуманов, А.Тортаев бар.МӘЖІЛІС ТӨРАҒАСЫНЫҢ ОРЫНБАСАРЫ ДАРИҒА НАЗАРБАЕВА МӘСКЕУДЕ КЕЗДЕСУ ӨТКІЗДІ
Астана. 3 сәуір. Мәжіліс үйі. Мәжіліс Төрағасының орынбасары Д. Назарбаева бастаған Қазақстан Парламенті делегациясының өкілдері Ресей Федерациясына жұмыс сапары барысында Қаржы мониторингі жөніндегі федералдық қызмет пен Федералдық салық қызметі басшыларымен кездесті. Мәскеуге сапар мақсаты – қаржылық мониторинг және салықтық әкімшілендіру саласында ресейлік тәжірибені меңгеру. Қаржы мониторингі жөніндегі федералдық қызмет басшысы Юрий Чиханчин өзі жетекшілік етіп отырған саланың іс-тәжірибесі, басым бағыттары және болашақ мақсаттарымен бөлісіп, халықаралық ынтымақтастық мәселелеріне тоқталды. Кездесу барысында тәуекелдерді бағалау орталығының қызметіне де баса көңіл бөлінді. Ал, Федералдық салық қызметі басшысымен жүздесу кезінде Михаил Мишустин қазақстандық парламентшілерді Ресейдің салық қызметінің негізгі басымдықтарынан хабардар етті. Сонымен қатар, жеке және заңды тұлғаларға салық саласындағы мемлекеттік қызметтің кең түріне оңайлатылған қолжетімділікті қамтамасыз ететін қолданыстағы интернет-порталды таныстырды. Кездесулер қорытындысында тараптар аталған салалардағы ынтымақтастықты одан әрі тереңдетуге уағдаласты. Жүздесуге сондай-ақ, Мәжіліс депутаты Гүлжан Қарағұсова және Сенат депутаты Рашит Ахметов қатысты.Қ. ЖАҚЫПОВ ВЬЕТНАМДА ҚАЗАҚСТАНДЫ ЖАҢҒЫРТУ ТУРАЛЫ БАЯНДАДЫ
Астана, 31 наурыз, Мәжіліс үйі. Мәжіліс Төрағасы Қабиболла Жақыпов бастаған қазақстандық парламенттік делегация өкілдері Вьетнам Социалистік Республикасына жасаған алғашқы ресми сапары барысында Хо Ши Мин атындағы Ұлттық саяси академия тыңдармандарымен кездесіп, Вьетнамда Қазақстан елшілігінің жаңа ғимаратының ашылу салтанатына қатысты. Қ.Жақыпов Қазақстанның заманауи дамуының ерекшеліктері, Елбасы Нұрсұлтан Назарбаев бастамашы болған «Қазақстан-2050» Стратегиясы, ҮИИДБ және «Нұрлы жол» туралы баяндады. Өз сөзінде: - Вьетнам 2020-жылға қарай индустриалдық экономика мәртебесіне жету, өңдеу саласын жаңғырту, ғылыми қамтымды өндіріс үлесін арттыру туралы мақсат қойды. Сіздердің елдеріңіздің индустрияландыру бағыты өзінің мақсат, міндеттері бойынша «Нұрлы жол» жаңа экономикалық саясатымен үндес келеді. Бұл жоспарды табысты орындау қауіп-қатерлер мен дағдарысқа қарсы тұруға ықпал етіп қана қоймай, біздің еліміздің 2050-жылға қарай ең дамыған 30 елдің қатарына кіруіне мүмкіндік береді, - деп атап өтті Мәжіліс Спикері. Қ.Жақыповтың айтуынша, Қазақстан үшін микроэлектроникаларды, нанотехнологияларды, энергия үнемдегіштерді дайындаумен айналысатын жоғары технологиялы Сайгон саябағы айрықша қызығушылық туғызады. Сондай-ақ, құрамында сенатор Е.Мұқаев, мәжілісмендер М.Әшімбаев, Р.Мәдинов, Ә.Бимендина, В.Киянский, Ү.Медеуов бар делегация мүшелері Вьетнамда Қазақстан елшілігінің жаңа ғимаратының ашылуына қатысты. Аталып өтілгендей, бұл – қос мемлекет арасындағы екіжақты қарым-қатынасты нығайтуға деген мүдделіліктің көрсеткіші, достықтың, әріптестік пен өзара сенімнің белгісі.
© 2025 Қазақстан Республикасының Парламенті
Барлық құқығы қорғалған
Creative Commons Attribution 4.0 International
